منى الحديدى تكتب:وجفت الدموع والقلب موجوع على شهدائك يامصر

إن الحرب الدائرة ضد الارهاب فى سيناء التى يقدم رجال القوات المسلحة والشرطة ارواحهم فداءا لمصر والتضحيات التى يقدموها يعجز عنها اى قلم عن التعبير
فمهما وصلنا الى قمة الابداع فى التعبير عما يدور حولنا لانستطيع ان نعبر عن قصة لشهيد قدم روحه فداءا للوطن
شهيد عرف قيمة كلمة وطن وعرف كيف تكون التضحيه وانكار الذات
شهيد لاينتبه لصرخات طفله وانين زوجته وحرقة قلب والديه فكيف نصل الى هذا الحد من التعبير ؟
كل شهيد من الجيش المصرى او الشرطة قدم روحه فداءا للوطن من اشرف واطهر رجال انجبتهم مصر حتى تبقى مصر دولة شامخة مرفوعة الهامة
نسمع كثيرا عن قصص بطوليه تسطر بدماء هؤلاء الابطال على رمال سيناء وفى كل مكان فى ارض مصر التى ارتوت بدم هؤلاء الابطال
كل شهيد من هؤلاء نموزج مشرف للوطنى المخلص الذى وهب حياته فداءا للوطن
الحديث عن هؤلاء الشهداء يجب ان يستمر وتكريمهم واجب ومهمة وطنيه يقوم بها كل وطنى شريف يتمتع بالوطنيه بعيدا عن النفوس المريضه التى لاتعلم ولاتعى قيمة التضحيه التى قدمها هؤلاء الابطال والمهاترات التى تحكى ان هذ عملهم ويؤدونه
وتلاقى واحد قاعد فى بيته تحت التكييف وفاتح النت وعامل نفسه محلل سياسى وبيشتم فى الجيش والشرطه وهم كل دقيقه بيستشهد منهم واحد علشان حضرته يعيش العيشه اللى هو عايشها على الاقل ضابط الجيش او عسكرى الجيش ده راجل بيغير على وطنه وبيضحى بنفسه من اجل بلده ويطلع واحد مالوش لزمه يتكلم عن خير اجناد الارض ويزايد على موتهم
وتلاقى ناس بدل ماتدعى للشهيد اللى قدم روحه فداءا للوطن قاعده تزايد على موته وتقول شوف بياخد كام!!!
يساوى ايه قدام انه مش موجود دلوقتى بين كل اهله وحبايبه اللى اتحرموا منه واتحرم منهم علشان يحمى حدود وامن بلدنا ويحمينا ؟
اللى بياخده يساوى وقفته على الحدود فى وسط التلج واللهيب وشايل روحه على ايده ممكن فى لحظه يتقتل غدر
الشهيد اللى مات ماماتش علشان لقمة العيش ده مات علشان بيحميك وبيحمى بلدك وعلشان ده واجب وطنى .
ده مات غدر واتحرم من اهله وناسه والموضوع موضوع انسانى
اللى فى الجيش ده يا اخوك يا ابنك يا ابن خالك يا ابن عمك يعنى من دمك
ولو البلد دى لاقدر الله وقعت هتعرفوا كويس ايه قيمة الجيش المصرى ويعنى ايه جيش يتحمل مسؤلية امن بلد واستقرارها
الكلام ده ليك ياللى مش عارف تتحمل مسؤلية نفسك وتقول على الشهيد انه بيقوم بشغله
فسلام على كل روح شهيد من شهدائك يامصر ولكل اسرة تحمل داخلها لقب شهيد…الف سلام وتحيه على ارواحكم الطاهرة .