لجان الإخوان الشعبية تنظم المرور ومقلب قمامة الدراسات مستنقعا للحشرات الزاحفة والطائرة

مع بداية أدائه اليمين الدستورية صباح اليوم ، تحركت كل المصالح الحكومية لتثبت أن الرئيس
المنتخب جاد فى عمل شىء مفيد للدولة ، وكما أكد أنه خلال المائة يوم الأولى من توليه سيقضى
على المشكلات الملحة والتى تؤرق المواطنين ،ومنها القمامة التى تهدد أهالينا فى الأحياء بالأمراض .
ففى صباح اليوم تحركت الأجهزة التنفيذية بمساعدة شباب الإخوان بمدينة المنصورة ، وشاهدنا
مجموعات من اللجان الشعبية تقف عند اشارات المرور ويستوقفون السرفيس ويسألون الركاب عن
تسعيرة الأجرة ،وهل هى زيادة أم كما هى محددة من قِبل المحافظة ،وسألوا عن رخص القيادة
للسائقين ، وبدت المنصورة فى أبهى صورها اليوم.
انتقلت "الزمان المصرى"إلى حى الدراسات فوجدت حالة من الإستياء بين المواطنين هناك بسبب
مقلب القمامة المجاور لموقف دكرنس ،ورائحته الكريهة ،و حشراته الزاحفة والطائرة .
يصرخ أحمد عبد الوهاب صاحب كشك جرائد قائلا :الحقونا يا بتوع الحى ..المنظر بشع .. فالحين
كل شويه ينزلوا بحملات فى الفاضى ، والمشكلة أن سيارات الحى هى التى تلقى بالقمامة فى هذا
المقلب ، وحاولت أتكلم معهم ..قالوا احنا عارفين شغلنا ..مفيش فى دماغهم إن فيه بشر عايشين
هنا ، وأطالب الدكتور محمد مرسى بالتخل فأنت وعدتنا بحل تلك المشكلة خلال 100 يوما ،
والنهارده أول يوم والله هنعدهم !!
ويستغيث خالد أحمد أمين" سائق " بالمحافظ وبالإخوان – مش همه اللى ماسكين البلد- قائلا:
الموقف فعلا زبالة احنا مش لاقيين مكان نوقف فيه العربيات فمضطرين نوقف العربيات على
الرصيف وده بيضرنا وبيضر الناس وبيعمل شلل مرورى ، ومش بس الزبالة وكمان العربيات الربع
نقل والملاكى ، وتقدمنا بشكاوى لحى شرق ولا عملوا أى حاجة ،وكل همهم "الكارتة المجمعة"
عشان نظافة الموقف وتأمينه ومش شايفين حاجة من دى .
ويتفق خالد محمد السعيد وأحمد فوزى فى أن المشكلة إن احنا مش عايشين فى مكان بنى آدمين
،ولكن قاعدين فى مكان زبالة ،وده بيرجع إلى إدارة الموقف نفسها ،وأى شكوى بيضرب بها
عرض الحائط ،ورئيس الموقف كل همه "هاتوا فلوس عشان النظافة وتأمين المكان ،ولا بنشوف
نظافة ولا تأمين ، ده الناس بتتخنق من الريحة وهمه راكبين السرفيس ، وأصيب بعضنا بأمراض
نتيجة الذباب المنتشر فى تلك المنطقة .
ويتحسر محمد حسب الله-سائق- على حاله قائلا :احنا بندفع الكارتة ورسوم شهرية واحنا المحافظة
الوحيدة اللى بتدفع الكارتة عشان المكان ينضف ،ورغم ذلك لا نجد إلا مزيدا من القذارة التى ملأت
الموقف وجعلتنا نهرب من المكان ..والكارثة أن موظفى الحى يعاملوننا أسوأ معاملة عندما نشتكى !!