“السيسى” : زي ما المصريين غيروا في يناير وفي 30 يونيو يقدروا يغيروا تاني وثالث ورابع

وجه الرئيس عبد الفتاح السيسي عدد من الرسائل أثناء افتتاحه عدداً من المشروعات الضخمة بمحافظة الإسماعيلية، أبرزها أنفاق قناة السويس، ومدينة الإسماعيلية الجديدة، وذلك فى إطار خطة التنمية الشاملة للدولة.
فقال الرئيس السيسي "بيبقى في أحاديث كثير دائما تصدر صورة عن مصر فيما يخص التعبير، وحقوق الإنسان، أنا عايز أقولكم، وده مهم أوي، الدول مبتتبنيش بالدلع، بتتبني بالجهد والعمل والصبر والالتزام، ومحدش هيجي عندنا مصر ويشتغل ويساعدنا لو مفيش استقرار ومفيش أمن، المصريين لا يسمحوا لأحد إنه ينتهك حقوقهم".
وتابع الرئيس السيسي "وأنا مش بجامل المصريين، زي ما المصريين غيروا في يناير وفي 30 يونيو يقدروا يغيروا تاني وثالث ورابع، لو الكلام اللي موجود لا يقبلوه، لا المصريين ميستحملوش كده، لكن المصريين عندهم الوعي الاقتصادي اللي يستحملوا بيه اجراءات اقتصادية، الدنيا كلها بتقول هما ممكن يستحملوا اه يستحملوا ويستحملوا اكتر منه، لو في عمل مخلص".
واضاف "انا بس عايز أكد للناس اللي بتتكلم في الحقوق، الحقوق إن الناس دي تعيش، الحقوق إن يبقى في رعايا صحية مناسبة، وفرص تعليم مناسبة، وإن الناس مستقبلها ميهدرش، أنا معنديش حاجة أخبيها أو أخاف منها دي بلدي وأنا هحميها".