"عاشق لمصر" شعر: صلاح الشايب

قومى يامصر انهضي واحضني ولادك
غدر السنين انتهى على أيد أحفادك
أنا شفت الخد فى عنيكى وعشت العشق لترابك
نفضتى غبار السنين وصحيتى والكل أحبابك
جاهدت وحاربت العدا وحرست أبوابك
وسحقت ظلم العدا والفكر ماسابك
وفى قلبى طال الندا ياغاليه لفؤادك
كان نفسى نظرة رضا من كل عشاقك
جفت دموع العين وابيضت من الحزن علشانك
يعقوب كان نبى وابيضت عينه على يوسف
وجه ولقاه فى أحضانك
وطال عليكى غدر السنين من اعدائك وحسادك
سالت عليكى دموع عنيه وغسلت بيها جدرانك
طهرتيها من كل العدا وجم واحتلوا جيرانك
وقسمو كل السودان وحاوطوا كل أسوارك
وغزو ليبيا جارى الان اصحي وشوفى أسرارك
والعدو قاعد هنا وهناك مستنى كل اخبارك
وهناك عراق دمروه والغرر جى قدامك
ولا سابو حتى البحور ولا تركوا حتى صومالك
قومى يامصر انهضى وافترسي كل أعدائك
الزوف حامى عليكى من كل أعدائك واصحابك
والله لضحى بدمى وروحى على كل اسوارك
وخللى كيد العدا يتمنى غفرانك
ييجى ويركع هنا يبوس ايديكى ويصلى على بابك
يتمنا يسجد يصلى ويكفر ذنوبه فى محيط محرابك
ياحضاره غاليه وعاليه بعلو اهرامك
قومى احضنينى ياغاليه قدام عدوى وأعدائك
يشوفو حنانك ويتغنو بسبب العشق لترابك
والله لكحل بطينك واتيمم كمان بترابك
ترابك غالى عليا ورويته بدمى وبدم أبنائك
كل العصور كانو بيحشدو كل اعدائك
ومؤامره بعد مؤامره بتتكسر على حطانك
وجابو حكام الفساد ونهبوا كل اموالك
وهربوها عندهم على ايد كل اصحابك
سرقو شقى كل السنين وجففو زرعك فى بستانك
قهرو العيال الطيبين وماتو حتى قدامك
ومسلم ويا المسيحى بيقيمو سوى قداسك
وسابو فلولهم هنا بتغدر باحفادك
سالت دماءهم هنا فى ميدان احرارك
يامصر قومى انهضى وكيدى كل عزالك
وتروحلك ملايين فدا لخلدك ووجدانك
دقت ساعات الندا لخلودك وجبرانك
وهمادولا ولادك يحموكى من اعدائك
والنصر والله قريب واقف هنا قدامك
بينحنيلك ياغاليه والكل احبابك
عاشق ترابك ونيلك وعصرت اجيالك
وشفت قهر السنين يتحطم على بابك
قومى ياغاليه احضنى اجدادى واحفادى وخلانك
واحضنى جيلى واولادى واحفادى ونصارك
قومى بقه وضمى كل انصارك وغيظى حسادك
قومى ياامى قومى يامصر قومى يادرة كل عصر
ولادك محتاجين لحنانك وغفرانك
قومى يامصر انهضى واحضنى ولادك