حوار الأعتراف للمواطنين بعد الأستفتاء على (لا) و (نعم )

بقلم علاء الغندور
خفة دم الشعب المصرى صاحب النكتة والقفشة الضاحكة والساخرة تجلت يوم الثورة الثانية فى يوم الأستفتاء على تعديلات الدستور يوم 19 مارس 2011...إنها ثورة جديدة سطرها الشعب المصرى ..حيث حضر للمشاركة الايجابية فى الأستفتاء على تعديلات الدستور ولأول مرة فى تاريخ الشعب المصرى يحصر 18.5مليون مواطن ومواطنه ( بنسبة 42%) و يدلون بأصواتهم فى تظاهرة حب لمصر غير مسبوقة فى تاريخ مصر ورغم ذلك فأن قصر المده الزمنية لشرح مزايا وعيوب ال (نعم) وال( لا ) كانت غير كافية لكى يستوعبها الجميع
ورغم هذا الحضور الرائع والضخم فإن هناك حوارات طريفة حدثت فى اللجنة بعد الأستفتاء
وإاليكم هذا الحوار :
مواطن 1: طبعا انا درست التعديلات الدستوريه وجيت اقول نعم عشان الحياة تمشى و تستقر
والجيش يرجع مكانه ونبدأ الأنتخابات وننتخب رئيس جديد ما يكونشى ضلالى.
مواطن 2: وانا كمان درست التعديلات وقلت لا..عشان نعمل دستور جديد ونمنع عودة ديول النظام الفاسد من الترشح لمجلس الشعب والا وعلى رأى المثل كأنك يا ابو زيد ما غازيت
مواطن 3 : انا ما أعرفشى حاجة عن التعديلات دى..بس شيخ الجامع قال لنا اننا لازم نقول نعم
عشان نخش الجنه وانا جيت و قلت نعم..انا سامع انهم هيفرقوا علينا زيت وسمنه
مواطن 4 :انا برضه ما أعرفشى حاجة عن التعديلات دى..لكن انا جيت بالعند فى الجماعة اللى تحت وقلت نعم..ويمكن ينوبنا من الحب جانب
مواطن 5 : انا ما أعرفشى حاجة عن التعديلات دى..لكن جيت بالعند فى الجماعة اللى فوق
و قلت لا..لعل و عسى ..تحصل المعجزة
مواطن 6: تعديلات ايه دى... انا ..بس خايف ان الرئيس الجديد يستخدم الصلاحيات الموجوده فى الدستور ويقلد مبارك و يقرفنا و يبيع هدومنا بعد ينهب بلدنا..قالوا لفرعون ايه فرعنك؟!!!
مواطن 7 : انا ما أعرفشى حاجة عن التعديلات دى..بس خايف على البلد من البلطجية و عصابات النظام الفاسد اللى شعارهم..فيها يا اخفيها وخايف من الدستور الملخبط وقلت لأ
مواطن 8 : انا ما أعرفشى حاجة عن التعديلات دى..بس شفت الأعلامى الكبير بيقول لا
فقلت لأ..زيه..صحيح انا مش فاهم لأه ليه..بس أكيد هوه فاهم.
مواطن 9: و انا زيك بالظبط..سمعت الشيخ المشهور فى التليفزيون بيقول نعم فعملت زيه
و قلت نعم..و بصراحه انا كمان مش فاهم حاجه
مواطن 10: انا ما أعرفشى حاجة عن التعديلات دى..بس جاى عشان أقول لأ للحزب الوطنى
اللى ما بيستحوش...وعايزين يرحعوا يدخلوا المجلس الموقر تانى..صحيح اللى اختشوا ماتوا
مواطن 11: انا أبيض..انا قلت حادى بادى سيدى محمد البغدادى شالوا و حطوا كله على دى و طلعت نعم
مواطن 12 :انا دخلت اللجنه ومش عارف أقول نعم والا لأ و سألت واحد جنبى بدقن عشان يغششنى و هوه غششنى و كتبت نعم
مواطن 13: انا دخلت اللجنه و سمعت نغمه أغنية عبد الحليم حافظ نعم يا حبيبى نعم وقمت كاتب نعم
مواطن 14: و انا فى اللجنه شفت مزه حلوة من شباك اللجنه و شاورت لها عشان تنزل تقابلنى و قالتلى نعم..قمت كاتب نعم
مواطن 15 : انا كتبت نعم عندا فى مراتى اللى كتبت لا.