الحكايه

اسمعوني وامسحوا دمعه عيوني,
دى حكاية حلم بيضييع مننا.
الحكاية اننا خايفين كتيرمن بعضنا.
لما بمعاهده غريبه دخلوا تاني وسطنا.
بعدونا وفرقونا هجرونا في أرضنا.
لا انا إرهابي ولا انت.
يبقي ايه ضاع مننا
يبقي ضاع الأمان.
واعتمدنا علي اللي خان
يستلم مفتاح بيبانا وحلمنا
اسمعوني وامسحوا دمعه عيوني,
أوعي تكون صدقت يا صاحبي
أوعى تكون زعلان.حيران
عدوك هو اللى خان.
خان وفرق بين اخين.
دس الفتنه مابين الاتنين
مروا علينا بلحن سلام
شايل غصن زتون وحمام
اسمعوني وامسحوا دمعه عيوني,
اسمعوا صل الحكاية
الحكاية من البداية:
قس وشيخ طيب وجليل
متواعدين ومتعاهدين.
كل جامع جنبه كنيسه
بات الحب معاها دليل
دخلو الحرب وعاشو اخوات
حررو مصر من الاغوات
جابو الخير وطريق النور
عمر ماكانت بينا اسوار
اسمعوني وامسحوا دمعه عيوني,
جه اعدائنا بليل كداب
حطو الكره وجابو خراب.
شالو الباب من جنب الباب
رسمو الصوره اننا ارهاب.
شاف لعالم عندو دليل
خلو نهارنا اسوأ ليل.
تبكي عيونا من الاهمال
غيرنا بيهنا بالاموال
واحنا بتتبدل الاحوال
ماتت شجره ضل علينا
لما سقاها العدو اهمال
فين دليلك ياللى خنت وتقول ارهاب.
قولي دليلك جايبو منين .
خرب دمر فرق فينا
يلي نسيت التقوي في دينك.
اسمعوني وامسحوا دمعه عيوني,
دى حكاية ارض بتضييع مننا