حبيبتى

قالولى اوصفها مين هى
حبيبتك قلت دى عينيه
بشوف بيها النار والليل
واحلام الحياه الجايه
قالولى ازاى وليه يعنى
ما فيه غيرها كتير حلوين
ضحكت وقلت لأ أنسوا
مثالها متخلقش اتنين
لقيت الدهشه مرسومه
على وشوشهم
وضحكوا بضحكة مكتومه
وشايفهم
وحيرة بتعلا فى عيونهم
بيدهشهم
كلامى عنها باحساس
قالولى كلنا بنشوف حبايبنا
ما فيش حد فى حلاوتهم
حبيبتك هى فى عيوننا
ما هش لا مثال
وياما زيها فى الناس
ضحكت وقلت فى عيونكم
دى ما بتنشاف
ولكن بس فى عيونى
ملاك شفاف
بتفرق فى العيون نظرة
ونظرة عينى بتشوفها
فى صورة عمر ما عيونكم
تشوفها محال
حبيتبى مثالها فى الدنيا
ما هتلاقوا
دى فرحة وضحكه فى عينيه
مثالها متخلقش اتنين
مثالها متخلقش اتنين