جراح الزماااان .. بقلم الشاعرة مرفت حمودة

رافضة تلم بعضها
غارزة انياب الاعتصام
رافضة الرحيل يشدها
والصبر واقف منتظر
رافض خضوعه لحكمها
قرر هيرفض الضغوط
هيعيش يداوي حزنها
يعني ايه ان الجناين
واخدة النسيم في حضنها
خايفة عليه من لمسة
تجرح ولا تاخده منها
اصل المحن رابطة القلوب
برباط حديد من صنعها
والالفة بين رحايا الكره
تايهة كمان في ظلمها
يعني ايه ان الجدور
شاخت مالاقية آمان لها
وفروعها ليه اتمردت
ناسية واجبها واصلها
عارفين بقي ليه الحياة
فارضة بقسوة حكمها
فاكرة قلوبنا ايمانها هان
فاكرانا نيأس منها
يعني الزمان هو الزمان
ولا الاصول مش وقتها
ولا النفوس دابت ألم
وزماننا جاي يقول لها
العيب ماعيبه عيب نفوس
كارهة الرجوع لأصلها