قعده ستات - 18

بعد يومين عيد جواز نسرين ال 20 وطبعا هذا الحدث يستحق اجتماع موسع لقعدتنا وعرض الاقتراحات لهذه الاحتفاليه التى يراها البعض لا معنى لها وانها ربماتكون ذكرى لقتل الحريه والتنازل عن اشياء كثيره بمحض ارادة من اقبل على خطوة الزواج ، ولم يطل استغراقى فى فكرة الزواج والتنازل عن الحريته بمحض ارادتنا، وأن هذا المتعارف عليه ان كل الطرفين يتنازل عن حريته ومزاجه الخاص وهو راض ومقتنع خاصه وان غيرنا يرى في الزواج قمة الاستقرار والاستمتاع بالابناء ( رغم انهن لا يتوقفن عن الشكوى من المسؤليه التى القيت على عاتقهن وغالبا ما يكون ردى انها سنه الحياة) ، وها هن بدأن فى القدوم وكالمعتاد جاءت نسرين اخر واحده رغم اننا كلنا مجتمعين من اجلها . و بعد التحيات والسلامات بدأنا فى عرض مقترحات عن الصوره المثلى لقضاء هذا اليوم وبدات ياسمين بالكلام بلا مقدمات بصى يا نسرين طبعا انتى جميله و عندك كل الامكانيات اللى نقدر نطلع منها واحده تانيه اول حاجه نحدد ميعاد للكوافير تقصى وتغيرى لون شعرك خالص و واحنا طالعين نعدى على الراجل بتاع العدسات تختارى لون تيركواز او اخضر وتشترى فستان جديد ونحجز لكم فى اى مكان للعشاء هو ده اللى عندى،، ولم تعلق نسرين بل اكتفت بهز راسها . طبعا احنا كنا واثقين ان ما اقترحته ياسمين لن يلاق اى ترحيب من نسرين لان قص شعرالمرأه فى حسابات نسرين يتساوى مع اهانتها ؟!!! اما تغيير لون العينين فنسرين ترى ان العيون العسليه والسوداء هما اروع ما خلق الله من الوان ، الا ان كعاده نسرين لا ترفض اى شىء حتى لا تصد احد أو تخسره !!! اما هند فكان اقتراحها ان تحجز نسرين يوم فى احد الاوتيلات ليستمتعا بالهدوء بعيدآ عن الابناء والاحداث ،التغيير دائما مطلوب وان عزه بنت خالتها ممكن تساعد فى ايجاد حجز فى اى اوتيل وببساطه ولم يختلف رد نسرين عند سماعها هذا الاقتراح عن رد فعلها عن ما سمعته من قبل ، اما نادين فقد كان اقتراحها عملى وجدا فبعد ان اعتدلت فى جلستها وارتشفت من القهوه وتبعتها بنفس عميق من تلك السيجاره الرفيعه بنكهه الكريز نظرت الينا بجديه واعتقد انها حاولت اخفاء ضحكه او سخرية ما . الا اننى حاولت قدر استطاعتى ان لا الفت نظرهن لهذه الملحوظه الا اننى كنت على يقين انهن جميعا لاحظوا ما لاحظته واضح ان كلنا توقعنا اللى هنسمعه .نعود لنادين بصى يا نسرين سيبك من موضوع الصبغ والقص والالوان الغريبه دى ولا حتى السفر، هتروحوا تعملوا ايه لا انتى ولاجوزك لكم فالبحر ولا الرمل وحتى اكل الرستوران هيوجع بطنكم يعنى مش هتكون اجازه .ده غير ان جوزك هيحملك نتيجه اختيارك وسوء الخدمه فى المكان وان مستوى خدمة الاوتيل لا يساوى اللى دفعتوه وقبل ان تسترسل نادين قاطعتها نسرين وهى تضحك من الاخر عايزه تقولى اننا نكد صح ! وبوجوه مبتسمه رددنا مش انتم لوحدكم المهم يا نادين عايزاها تحتفل ازاى ولمعت عين نادين وان كنا نلمح بوادر المرح الشرير انا ااقولك انتى تعملى نفسك مش واخده بالك خالص انه يوم عيد جوازكم وتظلمى الشقه كلها ويستحسن تقطعى النور من العداد اكيد هينادى عليكى تطلعى وتكونى ماسكه له شمعه وياريت تغطى وشك عشان عنصر المفاجأه والولاد يكونوا معاكى بس مش واضحين وبعدد سنين جوازك انفخى بلالين واتفقى مع ولادك على كلمه و اول ما يسمعوها تفرقعوا البلالين كلها وده اجمل احتفال للتغيير صح ؟؟؟ ،ولم نستطع ان نتمالك انفسنا من الضحك خاصه حينما تخلينا شكل جوز نسرين وفرقعه البلالين وعلقت هبه بصى يا نسرين غالبا ده هيكون اخر احتفال لجوازك وتريحينا لانك غالبا هترجعى بشنطه هدومك لانك هتتخلى عن وقارك والشكل اللى بيحبه جوزك و ضحكنا كلنا ( حسيت اننا بنضحك بلامبرر كأننا افتقدنا الضحك او عايزين نضحك عى اى حاجه )وبدون انذار لقينا نسرين بتقول وكأنها تحدث نفسها ،،،
اما مش هحتفل لا بعيد جواز ولا غيره هحتفل بأيه ؟؟؟ عشرين سنه قرف وسخافه وبخل ونقد تصوروا انا مش قادره افتكر له يوم واحد معقول طول الوقت مضطره انى ادارى مشاعرى وراى الحقيقى فيه ،وفى سطحيه افكاره واراءه فى الحياه وتحكمه الابله فى حياتنا وانه طول النهار يقول مواعظ وحكم وهو ابعد ما يكون عنها انا فكرت احتفل بعيد جوازنا يمكن يتغير فى العمر اللى جاى ويشوف حياتنا بطريقه تانيه. لكن لما اتكلمنا مع بعض وتخيلت استقباله البارد واللامبالى بى وحتى عدم قدرته انه يدعى انه مبسوط ولا حتى يجى على نفسه عشانى حسيت انى هاكون عامله زى اللى بيخبط راسه فالحيط مش هحتفل بعيد جواز ولا غيره انا هطلب منه اننا ننفصل كفايه كده انا مفتقده نفسى وحياتى ( انتابنا جميعا حاله من الذهول وعدم التصديق هى بتتكلم جد ولا فضفضه ستات) ولم تتوقف نسرين عن تفريغ شحنه غضبها والتى ظلت بداخلها على مدار سنوات كثيره والتى شاركتها فيها بقية الصديقات وانحسرت شكواهن فى ردود الافعال البارده من الازواج وعدم الاكتراث لرغباتهن وان وجودهم كعدمه وانهم مجرد بنوك متنقله للابناء ولهن ولم يوقف وابل التذمر والغير متوقع الا صوتى يعنى كلكن فاشلات ولا متذمرات ولا ايه حددوا عايزين ايه ؟! هتحتفل ولا هتعمل ايه ؟
وبأصرار لا انا هنفصل عنه كفايه كده ؟ انا تعبت ولو على الولاد موجودين وتحت امره فى اى لحظه انا مش هدى ولا عبير اللى هستغل الولاد فى خلافى معاه ،،،
بعد شهرين عرفنا ان نسرين انفصلت وسافرت امريكا عند اختها ؟!!!
ولم يخطر ببالى ما حدث ...