جايلك يا أمي ....... بقلم / أحمد النحاس

راجع لبلدي ودنيتي وأهلي ..
وسايب هنا في كل مكان ذكري
تارك بلاد الغربة ..
وجايلك يا بلدي يا أمي من بكرة
اشتقتلك وللحظة في حضنك الدافي
وحشتيني ..
ووحشني حنانك الوافي
وحشتيني ودعاكي هو مجدافي
فاكرك وعمري ما نسيتك ..
ولا عمري فلحظة أنساكي
دا تحت قدمك جنتي ونبعها الصافي
دعوتك ترفع مقامي
وقسوتك تزيد ألامي
يا أمي دا انتي أنا
وروحي معاكي ترعاكي
بحبك حب يملا الكون ..
وحب الكون ما يساوي ..
همسة حب جواكي
حنانك هو مرسايا ..
وصورتك عايشة جوايا
وطول عمري اعيش طوعك
ليوم ما أموت ..............
يا مولاتي .