لا يا حبيبى

لا يا حبيبى
إنت زى مانت عمرك ما هتتغير
من يوم ما عرفتك وإنت صغير
طبعك كده وهيفضل كده
مش هيتغير
حاولت أعلمك متعلمتش
غلبت أفهمك ولا فهمتش
خساره تربيتى فيك يا صغير
زى الطير ملهوش أمان
جناحاته مسعداه ومش تعبان
يرفف بيها ويحط فى أى مكان
ولا له عش واحد ولا له عنوان
كتير قولتلى خلاص حرمت
وسامحتك وقولت يمكن إتغيرت
لكن مفيش فايده فيك
هتفضل طول عمرك متحير
بيغلب عليك أصلك
وعمايلك بتنسيك إللى بيحبك
بتنسى هواه وبرضه بيصبر على غلطك
ترجع والدموع فى عنيك
بيحن عليك وبيسامحك
وترجع تانى تحن لطبعك
تهجرنى لو حد غيرى ندهلك
إللى زيك ملهوش أمان
روح لحالك وسيبنى ف حالى
يمكن ربنا يهديك ويسامحك