بقلم محمد مصطفي الهلالي باغتني بالسؤال؟ علي كوبري بنها ولم أكن التفت إليه أبدا.... هما مش هيسيبونا في حالنا بقي ؟.. توقفت وجها لوجه مع أقدم بائع علي كوبري بنها كان عر بجي ثم.. في لا أراده منه.. ترك له زبون كميه من البضاعة ولم يدفع كروتها فوقف علي كوبري الرياح يبيعها ومن يومها أحلوت اللعبة. يذهب مع الفجر إلي الوكالة يتسوق البضاعة ويعود إلي مركز نشاطه الذي يتغير يوميا بضع أمتار يرص البضاعة علي الأرض بعناية أو علي ضهر العربة ويأخذ (البهيم لامو أخذه) لينزل به في اتجاه الرياح ا لتوفيقي يحط بجواره بعض العلف والبرسيم وجردل ميه ويعود إلي ممارسه نشاطه إلي الليل لينفض غبار اليوم من هدومه ويرجع بما جمع من مال.. يشيل حق الزرع بتاع الناس ..ويلاقي مكسبه من 30 إلي 40 جنيه.. وساعات الأمور تبقي أحسن ..وأحيانا مطاردات البلدية والعساكر وقله الزباين ما المش تمن الزرع اللي اشتريته.. .في الوكالة مابيسيبوش مليم بره. التاجر قلبه قاسي مايرحمش الارزقيه اللي زينا . كنت اعلم إن معظم أولاده حوله في عربات أخري بنات وصبيان الكل احترف مهنه الأب حتى البنات لما اتجوزو رجعوا وعلي حجرهم أطفالهم قاعدين فوق عربات الكاروا تلتفت عليهم وجوه سمراء جميله المحيا عيون ثاقبة لفرز الزباين وكل زبون له أسلوب أنا الباشا هيا خد إيه النهارده بلاش النهارده منده يا باشا مش كويس هنجيب زرع بكره طازه ونظيف . غيري ..إن كان عجبك.. أوعي تمد أيدك علي البضاعة ..انتو بتوع شرا آكلو ولادكو زباله . وقفت أتمعن فيما قاله وسألته عم عربي أنت بتكلم عن حكومة مين ..حكومة مصر يابيه دول بيطار دونا طول النهار يعني نروح نسرق ولا نقطع جيوب ولا نجر شكل الناس ما إحنا كافيين خيرنا شرنا وساكتين اهه . ايه اللي حصل.. قضيه يا باشا وغرامه 10الاف جنيه.. أنا قضيه وابني كباكه.. وجوز هند بتي.. قضيه ايه يا عم عربي.. تسعيره هو أنت بضاعتك مين اللي بيسعرها.... أنا.. أمال القضية ليه.. يابيه دي تلكيكه بيقولو إخفاء التسعيرة وهيه أصلا اليافطة صغيره و كانت مايله علي الفرش وماشافهاش بتاع البلدية طب ماهي مايله طول النهار إحنا يابيه لما يكون الحال ماشي لا بنعلق سعر ولا بتكلم الزباين حافظه السعر وتشتري لكن لما يميل الحال قوم نحط يافطة بسعر كرا كسوه يعني عشان الزبون ييجي ولما يقف عالفرش ويسال نقوله بكذه يقول ليه ونتجادل شويه وف الأخر الحال يمشي 0 انا كنت مستوعب كل حاجه لكني مندهش من ان حكومتنا الرشيدة بقت محل سخط وغضب كل فئات الشعب حتى بياعين عربات اليد علي كوبري بنها أمال أنت وقفتني ليه وقولتلي ليه. مش أنت معارض يابيه ومن بتوع كفاية أنا شفتك أول امبارح أدام الظباط الكبار واقف وعامل مظاهره لها العجب كنتو 7 تنفا ر لاموا خذه وحوا ليكو 200عسكري وعشرين باشا ولا هاممكوا حاجه وقولتو كلام يمسنا عن الغلا وعن الإسكان وعن الميه الملوثة ولا مواخذه برضه غلطو في المحافظ مع انه راجل زى الفل ده كان قاضي يا باشا... وقولتو كلام الواد" كباكه" ابني قالي كانو يقصدو الكبير قوي وابنه.. بصراحة مش انا عر بجي بس خوفت من اللي قاله كباكه وقولت له مايقصدوش يابني دول ناس مؤدبين مايغلطوش في الكبرات اللي في البلد. أنا قولت أقولك مدام أنت مابيهمكش منهم تشوف لنا حل . دول متصلتين علينا عامل النظافة والريس بتاعه وعسكري المرور علي الكوبري والظباط والأمن والبلدية والأخر بتوع الكهربا .مال الكهربا بيكو .... يابيه ماهم بيقولو انتو واقفين تحت عواميد الكوبري وإحنا اللي منورينها يبقي لازم يستفيدو من مكسبنا . مش الكهربة بتاعتهم . ضحكت وحسيت ان المشكلة عويصه دي عصابات بتطارد في المصريين وكل واحد في مصلحه وهيئه او ديوان وزاره هيه عزبة أبوه اللي يمر منها يقلبه ويفضي جيبه . عم عربي جمع كل عربيات ولادك وقرا يبك واقف في ميدان سعد زغلول وصرخ زينا بطلو سرقه ياولاد ال........ وافتكرت انه قال ان إحنا مؤدبين فسكت ومشيت وحسيت ان اللي يسكت هيولعو في جتته ... الاحتجاج هو الحل