فى كل بقعة حزن وميض فرح....... قصيده بقلم محمد كمال

وانا المهموم ويا المرح
بضحك ودموعى فى عينيا
اضحك والضحكة مش غالية
ان كان الامر بايديا
والله ماكنت مستنى
اعمى وامتى راح اشوف
واهرب بيا وسط الخوف
لاجل ما كنت بتمنى
اعيش على الامل واستنى
يجى فى يوم ويتمكن
منى اللى بيه بحلم
واخرج بقى عن المالوف
ضربة صحيح لكن واقف
ومش خايف
وحالف والله راح اكمل
و ابنى سفينة فى الصحرا
و اطير ولو بدون جناحات
ليه لا ،،،ولا يمكن ؟
ان كنت بتنفس
وعاوز اعلى لفوووووووووق
هحلم والحلم مشروع
و يا نفسى
ولمين هحكى غير ليك
عن الطفل اللى كان جوا
عايش
شاب وشبابه وقت ماكان
لقاه شايخ مع انه من جوا
كان ناوى من الشر يتخلص
ويسيب الخير فى كون يحكم
ويا أرض الخوف هجرناكى
الذل عمره ما كان مأوى
والعزة فى الدرب دليل
وياتايه ليه تايه ما النور
فى الدنيا بيتاوى العتمة
ويصارح قلب كان دايخ
فى هموم الدنيا بيعافر
وكان فترة و هيسلم،
مهزوم ورافع الراية ،
لقى القمر بينادى
شايف نجمة بتهادى
سلام للأرض
رغم البعد متواصلين
وهتفضل بينا المراسيل
ياعمى قوم كمل
والله والله راح توصل
لكن تصبر
و تتم حاجة فى يوم بدأت
بيك اللحن راح يكمل
وتعزف غنوة
يسمعها الملايين
[Share/Bookmark]