محاكمه هندي

بقلم الاستاذ : مصطفى محمود أبو إبراهيم
محاكمه هندى
وفينه غاندى
نشكى نقوله عتاب
تعال عندى
لدولة الكداب
دا لكل تهمه جواب
عسكر يسد الباب
ما الكل له بواب
وبراءه يا أحباب
لسه الدفاتر ملكه
والمحكمه حبيبته
والختم مع زوجته
دا حتى من ريحته
العدل منه غاب
فاكرين سيادته
وأيام العذاب
ونامى يا محكمه
لله بنشكيكِ
ويادولة الشهداء
الظلم زاد فيكِ
فيك قليل الدين
الله ما يوريكِ
قاتل زهور بساتين
1000شهيد ليكِ
والحكم للخاينين
فى دولة الظالمين
فيك الكبير غادر
الدمع صوته آنين
والقوه للقادر
فقير ياناس مسكين
والحق فيها نادر
وفين بكاكى ياعين
على اللى مش قادر
دوله من المجانين
ملهاش ياناس كاسر
السرقه بالقوانين
على عينك ياتاجر
والقتل شرع ودين
منعول أبو الفاجر
يأمر بكل آوان
نبكى نقول حاضر
دوله من النعام
الرمل فيها إكوام
كل الرؤس أوهام
مدفونه بالأحلام
مظلومها ما بينام
وظالمها ما يتلام
يا دولة الأفلام
كلها تمثيل
فيك الفقير راضى
والواطى فيك أصيل
والحكم للقاضى
باطل وماله مثيل
يا دولة الشعراء
راضين بالكلمه
عايشين بكل غباء
بينورو شمعه
شمعه من الآهات
ما ترجع الهمه
بيضحكو ع الناس
يدوب بكام كلمه
يا دوله المخلوع
يا شبه دولتنا
تاهت مابينا قلوع
ونسينا شكوتنا
باطل يقول للحق
جود باى يا خبيتنا
يادولة القاتل
عايش بكل أمان
سارق عيون أولادنا
يحرق كمان بستان
والحكم دايما معاه
براءه بالألوان
والقاضى أصله جعان
ياكل فى جتتنا
الظلم يجى فدان
ضيع فى دولتنا
يا دولة الإنتخاب
العيشة لسه هباب
أملنا فى الجلباب
مغلق بدون أسباب
والفكر للأصحاب
وبيان من النواب
ومعاه إستجواب
يعلن بلدنا خراب
وبالألف والنون
يادولة المسجون
فيكِ بيحكمها
كله يارب يهون
أعملهم مجنون
وأقتل مخلوعها
يادولة المساكين
عرفتو إحنا مين
وفين دولتنا
والدولة راحت فين
ولمين شكوتنا؟؟؟