لا حياء فى علوم الدين

بقلم إيمان حجازي
مش واضح مين الأصل و مين الصورة
هل وأد الثقافة البدنية و الجنسية عند أفراد الشعب شباب و شيبة ,, رجال و سيدات ,, أولاد و بنات تم أساسا فى البيت أم فى المدرسة ؟؟
طوال عمرنا و البيت معتم تعتيما تاما على عملية النضج و البلوغ و يعتبرها من المحظورات
و كانت الوزارة على إستحياء تدس وسط مناهجها بعض من الموضوعات التى تتكلم فى هذا الخصوص ,,, بينما القائمين على التطبيق فى الوزارة الله يكرمهم تضامنا مع البيت كانو من تلقاء أنفسهم يقومو بإلغاء تلك الأجزاء ,,, و يتركونا للوصول اليها بالسليقة , بالإحساس , بالفطرة , بالتجسس
الى أن هجمت علينا الفضائيات و فتحت الأبواب , و بدأت فى رمى برقع الحياء , و نشر ثقافة فكو الحزام , فكو البلوزة , فكو الجيبة ,,,,,,,,, انفتاح ,, لأ ,, عفو ا , إنفكاك بؤرى معنوى مادى هيستيرى
و عنها الكل بقى بيعرف كل حاجة عن أى حاجة و بيتكلم فى أى حاجة و فى أى وقت و على الملأ .............هيصة
و أخيرا الوزارة كرم الله وجهها , لم يعجبها هذا الموقف و قامت بإلغاء ما أصبح معلوم للصغير قبل الكبير من وسائل الإعلام , و المفترض أن يتم شرحه بشكل علمى حتى تترسخ المعلومة بشكل صح ,,, و لا يستمر البحث الخاطىء عن تلك المعلومات الهامة جدا فى حياتنا عبر الإنترنت و الأفلام الإباحية و المجلات
قامت الوزارة أخيرا بشطب الجزء الخاص برسوم الجهاز التناسلى فى الكتب الدراسية للمرحلة الاعدادية و الثانوية ... ماهو عورة ... مايصحش أن ينكشف على الطلبة ,,,,
و الالا ياترى ده مرتبط بموضوع منع التعرى الكامل بين الزوج و الزوجة فى فراش الزوجية
ماهو كل عورة لابد لها من ستر
ياااااااااااه
وزارة التعليم و الأزهر متفقين على الإنغلاق ..... يعنى الواحد يقول ايه ,,, مبروك على الإتفاق
ما هو مش معقول .......يعنى لا نتعلم صح
و لا نتجوز بحريتنا
طب ياترى وزارة الإعلام و القنوات المفتوحة الفضائية و الأرضية هيكون رأيهم ايه ؟؟؟؟
ياترى سوف ينصاعو لآراء الأغلبية و يقفلو برامج التعرية و التهوية المفتوحة على البحرى عندهم ؟؟؟
و ياترى السينيما بعد كدة هتنتج ايه ؟ ؟
و الالا دى قوانين خاصة بالمسلمين المتزوجين فقط ....و بالطلبة الغلابة فى المدارس الحكومية فقط ,,,,, و ما عداهم لهم حق الإنطلاق
المدارس الأجنبية و من زمان , فيها مادة شرح كاملة للجهاز التناسلى و أعضاؤه الكرام بالمسميات و الوظائف ,, و الالا هو يعنى التسمية العربى هيا اللى عورة و اللغات مباحة
لألأ ,, للحق وزير التعليم ترك تبعة هذا الموضوع , أى الشرح من عدمه على عاتق مدرس الفصل
طب ماهو فاقد الشىء لا يعطيه
و المدرس بالذمة اللى أتى بمعلوماته من النت و حدث معه أن تهرب منه مدرسه بدوره و ألغى هذا الدرس و لم يشرحه ,, تفتكرو يعنى هيجيب معلومات صحيحة منين ؟؟؟؟
تفتكرو يكون عنده خبرة ؟؟؟ أشك
المفروض ,,,,,,,,,,, و أنا هفتى على فكرة ,,,,,,,,,,,, الجزء الخاص بالأجهزة المكونة لجسم الإنسان يقوم بشرحها طبيب , أو طالب بكلية الطب ,, فهم كثيروووووووووون جدا , بس عندهم المادة العلمية و المسميات الصحيحة و الوظائف بشكل دقيق ,,,
و القاعدة تقول أنه لا حياء فى علوم الدين
و هو بالطبع الحياء أصبح شاحح فى السوق بالنسبة لينا كلنا ...طب ايه فيها لما نستغله لعمل شىء مفيد
و طالما إننا مش بنكسف ,, كدة كدة ,,, تكون البجاحة دى بفايدة
و يكون لينا من وراء الجراءة دى منفعة
و فرصة إن إحنا عندنا قاعدة ذهبية نعلق عليها الموضوع
و هى
لا حياء فى علوم الدين