جوجل "ابن حرام" يضيع الجوازة

اعتذار لأي ألفاظ موجودة خادشة للحياء في هذا الموضوع وسنتعامل كأي عمل درامي .. هي يعني كانت إيناس الدغيدي بتقول "عذرا لأي مشاهد جنسية بنشوفوها" ما هي بتورينا وخلاص.
و للعلم أي لفظ مكتوب في الموضوع موجود في الجوجل ويمكنكم البحث عن الكلمة للتأكد .. انا بس بنقل النتيجة مش اكتر .
جميعنا قرأ في الفترة الأخيرة عن أشهر نتايج البحث في الجوجل اللي العرب بيبحثوا عنها وكلنا شفناها سواء بحث عن الجنس او ارقام البنات وغيره لكن الموضوع المرة دي مش عن النتايج ولكن ازاي ممكن تدمر علاقة بين ولد وبنت علي وش جواز.
احمد وايمان كانوا مخطوبين من فترة وكانت ايمان بدأت في مرحلة البحث عن تفاصيل الفرح وحاجات البنات بقي من فساتين والذي منه :
في شقة صاحبة ايمان:
داليا: اخيرا هتودعي العزوبية يا ايمان انا فرحانة ليكي اوي
ايمان: انا كنت مترددة قوي اني اعمل الخطوة دي بس احمد انسان كويس وهيحافظ عليا
داليا: ربنا يسعدكوا مع بعض وياتري جهزتي حاجات الفرح
ايمان: اه بس عايزة اشوف ع النت شوية حاجات وكتالوجات قوليلي بقي ازاي ابدأ في الموضوع ده
داليا: بصي يا ستي انا هاديكي شوية حاجات تبحثي عنها علي الجوجل ودي اهم الحاجات اللي هتحتاجيها لفرحك
ايمان: ايدي علي كتفك ..يلا وريني الورقة كده
وقدمت داليا لإيمان بعض الحاجات المهمة اللي تدور عليها ع الجوجل عشان الفرح
وبعد اسبوع زارت ايمان احمد في بيته في وجود اهله وجلسوا في الصالة امام الكمبيوتر وامام اعين الاهل للبحث عن ما قدمته داليا لها في الورقة
وكانت الورقة كالتالي :
- مشهد لدخلات القاعات في الأفراح
- أفضل باقات الورود في الفرح
- أرقام منظمات الأفراح
- كيف اعرف تكاليف القاعة
- أكثر القاعات شهرة
- أوضاع وتنظيم الطرابيزات في الأفراح
واثناء البحث :
احمد: انا اسعد إنسان في الدنيا اننا اخيرا هنرتبط يا ايمان وهأعيش مع اجمل بنت في الدنيا دي كلها
ايمان: وانا كمان يا احمد انا عايشة اجمل حلم
احمد: ثواني اجيبلك حاجة تشربيها
وأثناء انشغال احمد في المطبخ انشغلت ايمان في البحث علي الجوجل كما قالت لها داليا
وكانت الصاعقة اثناء بحث ايمان علي الجوجل بنفس ترتيب الورقة
عندما قامت بالبحث عن كلمة "مشهد" علي الجوجل وجدت اول نتيجة "مشهد ساخن لغادة عبد الرازق" وكلمة "مشهد ممنوع من العرض"
فصعقت ايمان لانها ظنت ان هذا هو كل ما يبحث عنه احمد علي الانترنت ولم تكن تعرف انها خاصية في الجوجل نفسه
فأكملت بسرعة ما تفعل وكتبت كلمة "افضل" لكي تبحث عن افضل باقات الورود ولكنها تفاجأت بنتائج الجوجل "افضل الاوضاع للجماع" و"افضل طرق علاج سرعة القذف"
لم تصدق ايمان ما تراه ولم تكن تعرف ان هذا كل ما يشغل تفكير احمد ولا اكثر
وعندما كتبت "ارقام" وجدت الجوجل يكمل لها "ارقام للبنات"
وعندما كتبت "كيف اعرف" وجدت "كيف اعرف اني عذراء"
وعندما كتبت "اكثر" وجدت "اكثر الاماكن اثارة للمراة " و "اكثر افلام اجنبية اثارة"
وعندما كتبت "اوضاع" وجدت "اوضاع جديدة للجماع" و "اوضاع للمضاجعة"
لم تتخيل ايمان كل هذا الجنس المعشش في خيال احمد الذي لم تكن تعرفه جيدا فقامت بسرعة وهي تبكي من البيت وتركت الورقة
وحاول احمد ان يلحق بها ولم يفهم ما يحدث
وبعد شهرين في منزل احد اصدقاء احمد :
سعيد: وازاي انفصلتوا مش فاهم
احمد: بسبب الجوجل يا عم
سعيد: الجوجل؟؟ هههههههه
احمد: اه واللهي لقيتها سايبة ورقة كانت بتدور عليها ع الجوجل ويديها كل تفكير العرب الجنسي وفكراني انا اللي كنت بدور علي ده بس..ومش فاهمة ان العالم العربي كله بيدور علي ده مش انا..وحاولت اكلمها ميت مرة قفلت جميع التليفونات وسافرت اسكندرية لخالتها وسابتلي الدبلة ..
سعيد: حاولت تفهم اهلها حتي
احمد : رافضين مقابلتي بعد الموضوع ده لاني اتسببت في انهيار بنتهم ..خصوصا بعد ما قرت اني بحث عن "كيف اعرف اني حامل"
افتكرت اني بعمل علاقات مشبوهة وببحث للبنت اللي معايا علي الموضوع ده..
سعيد: يا نهار ازرق ده الجوجل ضيعك خالص..
وبعد كام سنة..
في بيت تامر صاحب احمد :
تامر: مش انا هاخطب
احمد: الف مبروك يا تامر انا اعرفها ؟
تامر: لا هي مش هنا ميتهيأليش تعرفها
احمد: هي من هنا من القاهرة؟
تامر: ايوه وقاعدة مع ماما دلوقتي في البيت سايبها بتدور علي حاجة ع النت
احمد: النت؟؟؟؟؟؟
تامر: اه في حاجة ولا ايه ؟؟
احمد : عليه العوض..الجوازة باظت..
تامر: ليه بس
وبعد ما حكي احمد لتامر ع الموضوع جري تامر بسرعة ع البيت ولحق خطيبته من فتح الكمبيوتر اصلا وقالها بعدين
انا عايز بس افهمك حاجة مهمة
وشرح ليها تامر الموضوع كله قبل ما تقع الطوبة وتتهد الجوازة
ودي حكاية الجوجل وعمايله ربنا ما يوقعكوا في جوجل ابن حرام ..
--