عمار يا مصر ...حواديت القطار

وانت راكب قطرأبو قير فى إسكندرية حتلاقى العجب طول الطريق
الطريق يستغرق حوالى ساعة من محطة الإسكندرية وحتى محطة أبوقير والمسافة بهذا التوقيت تعتبر معقولة ان لم تكن مملة بعض الشىء
وذلك لأن مقاعد القطار متقابلة وكأنك قاعد فى شادر عزاء..ويفضل الركاب يبصوا لبعض ويتفرجوا على اللى رايح واللى جاى زى مايكونوا فى
عرض أزياء
طبعا الشحاتة سمة رئيسية مميزة للقطار...تلاقى اللى بيشحت على كرسى بعجل واللى بيزحف ع الأرض واللى شايلة عيل والضريرة وكل صور
الشحاتين التى تتخيلها والتى لا تتخيلها
وهنيالك يا فاعل الخير والثواب
أما السمة الثانية والتى تستحق بجدارة إن تكون أحد ملامح القطار الرئيسية هى الباعة الجائلين
وترى أن الباعة يحملون كل ماتتخيله ومالا تتخيله من بخور لسبح لساعات لمحافظ ونظارات وولاعات ولعب أطفال ومناديل وشرابات وأكيد بعد نوبات إنقطاع
..التيار الكهربى أصبحت البطاريات المضيئة شىء أساسى
وإتفرج ياسلام
نصيحتى لك وإنت راكب القطار ياريت بلاش تقعد جنب الباب...ليه؟؟؟أحكيلك المرة الجاية