كبسولة السعاده الزوجيه .

الرجولة والانوثة
الرجولة لهي خشونة ولا قوة
ولا حتى فحولة
الرجولة كريزمة خاصة وشهامة ومروة
الرجولة انك تحسي يا صبية في وجوده بالامان
أنك تحسي فى صوته بالدفا وكأنه احسن الالحان
انك تشوفى بعيونه الدنيا بأحسن الالوان
أنه يكون غيور عليكي وحبه ليكي يكون بستان
الرجولة ان يكون لك كل حاجة الطيب والالعبان
انك تلاقى في لمسته النعومة ساعة الحنان
وتلاقيه ساعة مايغضب منك يكون انسان
ويكون كلامه صادق حقيقي انه بحبك معجبان
الرجولة انه يصدك عن الرعونة والغباء
وانه يفهم ان عقلك مش وسط بين الذكاوة والغباء
الرجولة انه يسامحك على عفوية الاخطاء
وان كلمة حلوة منه تطيرك وسط السماء
الانوثة انه في ساعة ضعفه يلاقى مسند يسنده
وان ساعة تعبه يلقى ايدين بتهدهده
وان لما يجي يعوج يلقى كيانك يرشده
بحزم مرة وحنية مرة مش كل مرة تهدده
الراجل حقيقي ملوش سبب للهروب
الملل هو السبب او تقلب القلوب
بس لو تحت سقفك راجل جسمه كاره للذنوب
يبقى حظك حلو جدا انه خالى من سيد العيوب
لو يكون غاوي كلام حلو زي الحكيم
بكتابة الشعر يخرج شحنته وما يكون لئيم
شجعيه بحرارة جدا انه يكتب شئ عظيم
وهو دا الى يخلى حياتكوا تمشي بطريق سليم
مش رجولة تأمنلى صاحبك على المدام
او يعدى اخوك يجبيها كل يوم وسط الزحام
او تنبسط لما تحط ايدها في ايد زميلك ويطول السلام
والله كلامي ليكوا فطرة ومش محتاج أى علام
مش انوثة انك تغيظي صاحبتك بالحكاوي
هي ممكن تحسدك او تكون اس البلاوي
تخطفه منك وتلعب عليه وتقلبه غاوي
غطي على ضوء شمعتك من ريح المهاوي
أياكي تنشغلى ابدا عنه بالعيال والبيت
أو بأصحابك ومكياجك ومصاريفك يا ريت
أحسن تلاقى جوزك مع زميلته شاي بالبسكويت
وتندمي وتشدي شعرك ومتفعش كلمة يا ريت