حسام داغر: بهاء الخطيب كان بيلعب ماتش كرة وقع مات

نعى الفنان حسام داغر، زميله الفنان الشاب بهاء الخطيب، والذي رجل أثناء لعبه "ماتش" كرة قدم، حيث كتب عبر صفحته على موقع التواصل الاجتماعى "ده لسه متكلمين إنك تيجي تقعد معايا كام في إسكندرية، وقلتلك هتحب قعدة بلكونتي علي البحر علطول ورجعت أقولك خلينا في الشتا هيبقي أحلي الجو دلوقتي صيف و حر".
وتابع، "خلاص لا بقى في شتا ولا صيف ولا حاجه الناس بتمشي فجاة إزاي كده لا حول ولا قوة إلا بالله دموعي منشفتش من يوم تيمور قلبي لسه موجوع تقوم تمشي فجأة إنت يعني إيه وقع و هو بيلعب كرة مات"
وواصل الفنان حسام داغر نعيه، "أنا عقلي هيجراله حاجة الثبات والعقل والصبر من عندك يا رب … بهاء الجميل المحترم الطيب أعرفه من وهو في مسرح الجامعه و قبل المعهد و برضه كبر قدامي و كان ناجح في كل حاجه حتي مجاله و شغله الأساسي جمب التمثيل لو أعرف أنك هتمشي فجاة كنت قابلتك ومفضلناش ناجلها ليه يا ربي الطيبين المحترمين بيمشوا فجاه لا حول ولا قوة إلا الا بالله الصبر من عندك يا رب"
وكان قد أعلن السيناريست محمود جامايكا عن وفاة الممثل الشاب بهاء الخطيب، حيث كتب عبر حسابه هتوحشني يا صاحبي.. يا أنضف خلق الله.. ماتغلاش على اللي خلقك.. بس الغفلة وحشة ربنا يرحمك ويغفرلك ويسكنك فسيح جناته يا بهاء.. صاحبي وأخويا وعشرة عمري بهاء الخطيب في ذمة الله...إنا لله وإنا اليه راجعون... ادعوله فهو في أمس الحاجة للدعاء.