فيديو.."آسف يا ريس" تشمت فى أيمن نور بعد سقوطه من المنصة

سخرت صفحة "أنا آسف ياريس" من الموقف الذى تعرض له أيمن نور المرشح المحتمل لرئاسة الجمهورية عندما وقع من على المنصة أثناء حديثه فى المؤتمر الذى عقده فى المحلة الكبرى ضمن فعاليات الدعاية لبرنامجه الانتخابى.
وردت الصفحة على اتهام نور بأن أبناء مبارك تدبر لأحداث بلطجة يوم 6 أكتوبر مقابل 1500 جنيه للبلطجى، قائلة : " وإضافة لمعلوماتك إحنا برضو اللى أجرنا منصة عشان تخدك وتدلق من عليها ".
وبثت الصفحة مقطع فيديو سقوط نور تحت عنوان " شوف ربنا عمل أيه فى أيمن نور- اضحك للصبح" ، وحملت معظم التعليقات رمز الضحك " ههههههههه " ، فتقول مريم مريم فى سخرية :" هههه حد شافوه بعد مافاق من الصدمة قال إيه ؟ ، وسخر هانى زكى قائلا:"كتومونو يا حلوة يابطة خلى بالك منه ان عيط طبطب عليه"، وتقول إحدى المشاركات لشخص يدعى مالس أليكس "على فكرة الراجل دى بيوقع كويس ربنا يزيده ويوقع على طول"، واعتبر البعض أن هذا المقطع من الفيديو مقطع تاريخى فيقول محمد فتحى "دى أقوى مقطع فى القرن 21 دى مقطع القرن" ، فى حين اعتبرت سما مهاب أن ما تعرض له نور عقاب من الله فتقول: "ربنا حب يعاقبه على اتهامه لأبناء مبارك الشرفاء"، ويضيف محمود فضل: "الراجل ده على فكرة من ساعة ما خرج من السجن وهو مش عارف بيقول إيه أصلا"، ويتهم وائل العراقى نور بتلقى رشوة فيقول "ههه... هو فاكر كل الناس زيه ؟ " .
شاهد الفيديو: