صبحي: لهذه الأسباب هاجمت ثوار يناير

قال الفنان محمد صبحي، إن الرئيس الأسبق محمد حسني مبارك، لم يخن البلاد، رغم إنني هاجمته، ولكن محمد مرسي تآمر عليها، وخانها.
ورفض"صبحي" في حوار مع برنامج "حضرة المواطن" على قناة "LTC"، مع الإعلامي سيد علي، مقارنة الثورة المصرية بالثورة الفرنسية، قائلا: "الثورة الفرنسية سبقها 50 سنة فكرية، لكننا لا عندنا ثورة فكرية ولا ثقافية، وفيه ناس مشكوك في انتماءاتها".
وهاجم صبحي، متظاهرو التحرير في ثورة 25 يناير، وقال: "طالبوا بالحرية والديمقراطية وهم غير مؤمنين بها، عندما طالبوا بمجلس حكماء، والتقوا الراحل عمر سليمان، رئيس جهاز المخابرات، وبعدما عادوا للميدان، الموجودين قالوا لهم مش معترفين بيهم، واختلفوا حول حكماء وفقهاء".
وتابع: "2014 أول سنة في المرحلة الانتقالية واللي قبلها كان هزار، مصر لم تعد دولة حتى الآن، وفاضل تكة علشان تبقى الدولة عادت، النخبة قرفونا، وكل شوية عايزين نهدها ونبني من جديد، الحمد لله".
وأوضح: "فيه ناس بتكره مصر وبتدمر البلد، دول مفيش كلام معاهم، وفيه ناس زعلانة من مصر، مقموصة من مصر دول ممكن نتحاور معاهم، وعملت مبادرة وكلمت رئيس الوزراء، وقولتله محتاجين نتحاور مع الشباب اللي زعلان من البلد".