هاجم الفنان أحمد آدم مقدم برنامج "بنى آدم شو"، الدكتور أيمن نور مؤسس حزب غد الثورة، بعد تصريحاته الأخيرة المعارضة للحكومة المصرية وبعد وصفه لما حدث فى 3 يوليو بأنه "انقلاب العسكرى الناعم مكتمل الأركان" حسب تعبيره-. واستنكر آدم، خلال برنامجه "بنى آدم شو" المذاع على قناة "الحياة"، إقبال الإعلاميين على إجراء حوارات مع أيمن نور بلبنان برغم إعلانه عدم ترشحه للرئاسة، قائلا: "لما شفته بعد التجميل افتكرته هيعمل فيديو كليب جديد، بتعملوا معاه حوارات ليه هو مش ده اللى كان يخجل من مصريته". وسخر آدم من أيمن نور بلهجة لبنانية يطالبه فيها بالمكوث فى لبنان، مغنيا له: "اسم الله عليك اسم الله وألف ما شاالله يا واد عليك، حصوة فى عين اللى ماشالله يا نافخ أنت يا سامبتيك، يا أبوكلام بايخ يا أيمن، افتى ياللا وعك دايما، مالآخر أنت اتفقست خالص، بطل غلاسة كرسى الرئاسة مش للى زيك، إحنا استوينا طلع عنينا من اللى زيك". شاهد الفيديو: