نشطاء لأتوبيس واى فاي:امشى بشارع به شبكة

سخر نشطاء المواقع الاجتماعية من خبر إطلاق محافظة القاهرة لمشروع "الميني الباص الذكي" المزود بخدمة الإنترنت اللاسلكي "Wi Fi"، بتكلفة 8 ملايين جنيه في خطة إحلال وتجديد "الميني باصات" التي تقوم بها شركة القاهرة، العاملة في مشروع النقل الجماعي التابع لهيئة النقل العام.
وجاءت أبرز التعليقات على هذا الموضوع كالآتي :
"التذكرة ب جنيه وكل ميجا زيادة بربع جنيه" .
"السواق: معلش مفيش فكة .. معاك فلاشة تاخد بالباقي mp3-هات".
" سواق الاتوبيس بيكلم Te-data : النت واقع و الركاب بتشتكي خدمة العملاء: في كام لمبه منوره عندك في التابلوه؟".
" اية بس ياسطي الفصلة الوحشة دي اية في شرطة النت عاملة كمين معاك بطاقة النت ولا تنزال هنا".
" اللي فاتح تويتر يقعد علي اليمين اللي فاتح فيس يقعد علي الشمال اللي فاتح مواقع ساخنة يقعد جنبي " .
"أتوبيس واي فاي يعني النت يفصل ف بيتكو تنزل تبات ف الاتوبيس ".
" الكومسري لأحد الركاب .. لو سمحت متشغلش الحاجات دي هنا ".
" -السواق : النت فاصل حضرتك -موظف TEData : طب افتح الباب واقفله تاني".
"السواق قبل ما يشيل المفتاح من الكونتاكت لازم يعمل safe remove "
"لو سمحت ياسطا ممكن تقفل ال windows عشان الجو برد و احنا سقعانين"
"امشى فى شارع فيه شبكة يا اسطه" .
"ياسطى معلش اعمل ريستارت للراوتر عشان النت قطع".