بيع بالإكراه في مركز تجاري شهير.. حكاية ثلاجة تنتهي في قسم الشرطة

في واقعة غريبة جدًا تستطيع أن تطلق عليها البيع بالإكراه في كارفور سيتي سنتر ألماظة وهو أحد المراكز التجارية المملوكة لمجموعة ماجد الفطيم الإماراتية، اشتكى مواطن من حصوله على ثلاجة بها عطل ورفض تغييرها وإجباره على واحدة من علامة تجارية أخرى على غير رغبة العميل.
كيس واحد فقط.. أزمة أرز في كارفور
قال مصطفى محمد على جروب قوة السوشيال ميديا The Power of Social Media - Consumer's Experience، إنه توجه إلى محل كارفور هايبر ماركت بداخل مول سيتى سنتر ألماظة لشراء ثلاجه توشيبا 355 لتر لون فضي بسعر 12490 جنيهًا، وبالفعل تم شرائها ودفع المبلغ عن طريق كارت البنك (ماستر كارد) وعند استلام المنتج فى اليوم نفسه حضر له مدير القسم وأخبره أن المنتج به أعطال ولا يعمل، فطلب منه قطعة أخرى إلا أنه أخبره بأنه لا يوجد.
أضاف: "طلبت منه أخد منتج أعلى قيمة وأدفع الفرق قالى لا مش موجود من ماركة توشيبا خد حاجة ماركة فريش عاوزنى أشترى منتج اللى هو اختارة ليا، رفضت طبعًا وصممت على أخذ منتج توشيبا رفض وقالى المنتج دة هيغلى ثمنه بكرة ومقدرش أطلعه ورفض تمامًا حاولت معاه كثيرًا ورفض تمامًا طلبت مدير الفرع يجي قعد اتكلموا شوية وبعدين مدير فرع كارفور فى التوقيت دة قالى هو دة اللى موجود خد منتج ماركة فريش ومش هطلع أى منتج ماركة توشيبا
طلبت منه رد المبلغ لى المدفوع رفض وقالى هتاخد منتج فريش أو كريازى بعد جدال كتير جدًا قالى خلاص استرد الفلوس بتاعتك على الكارت هترجع بعد 14 يومًا".
تابع: "طبعًا فى الوقت دة أنا مش عندى ثلاجة فى البيت ومش معايا فلوس تانى أشترى ثلاجة طلبت منه كتير استرد المبلغ بتاعى رفض تمامًا وبعدين اتصلت بالنجدة انتظرت تقريبا ساعتين ونصف وحضر أمين شرطة من قوة نقظة شرطة شيراتون - حاول كثيرًا مع مدير فرع كارفور ورفض تمامًا وقال اللى تعرف تعمله اعمله".
أوضح أن تم عمل محضر فى نقطة شرطة شيراتون برقم (10 أحوال) بتاريخ (4-2-2023) الساعة 11.30 مساءً، واتهم كارفور بعملية احتيال ونصب بيع منتج فاسد به عيوب صناعة عن طريق القصد، وإجباره على شراء منتج آخر فى حين أنه مصمم على شراء منتج ماركة توشيبا، ورفض المدير لرد المبلغ المدفوع نقدًا، والتسبب فى عطلة وتأخير لمدة أكثر من 5 ساعات.