فيفي عبده تكشف سر ( 5 أمواه ) وتؤكد: "حب الناس تجارة مع الله"

حرصت الفنانة فيفي عبده على كشف سر الحب الكبير من الجمهور لها، وتصدرها التريند بشكل دائم.
وقالت فيفي عبده فى تصريحات تليفزيونية: "سر حب الناس ليا هو التجارة مع الله، وده حب من الله وحب أمي وأبويا وأنا طول عمري تحت جزمتهم، وكل الناس بتحبني حتى الأطفال، وعندي حفيدي سنتين ونص مش بيقول غير عاوز فيفي عبده ويمسك الصورة ويبوسها، أنا هتجنن نفسي أعرف ليه بيحبوني الحب ده؟ أي بيت متفق على حب فيفي عبده، وسعادتي لا توصف وأنا بشوف الأطفال جايين يجروا عليا وعاملين علامة ال 5".
اقرأ أيضًا.. أنغام تروج لحلقتها مع حميد الشاعري الليلة
وأضافت: "أنا بسمع عن موسم الرياض، ومكنتش متخيلة إن المستشار تركي آل الشيخ عامل الحاجات اللي موجودة، أنا تمنيت إن العالم كله يجي يشوف الرياض، وأنا بحب الشعب السعودي، وأتمنى إني أعمل مسرحية في موسم الرياض، والجمهور مجرد ما بيسمع صوتي بيعرفني لأن صوتي مميز".
كما كشفت فيفي عن سر جملة 5 أمواه التي اشتهرت بها وقالت: "كنت بقول لبنتي اعملي 5 أمواه للفانز بتوعي وبنتي خريجة الجامعة الأمريكية وبجيبلها مدرس عربي عشان كلامها العربي مكسر، ومن ساعتها
اتشهرت بالكلمة دي".
وتحدثت فيفي عن بدايتها الفنية قائلة: "حزمني تنبأت بالنجاح بيها من قبل ما أعملها وقبلها عملت مسرحيتين بس توقعت أن حزمني يا هتكسر الدنيا و زي مسلسل كيداهم وقدمت فيفي عبده اللي جوايا للجمهور".
وأضافت: "مسرحية حزمني يا كانوا بيجوا الناس ليها من كل مكان و بيجوا بالطيارت يحضروها ويسافروا وقدمنا فيها وجوه كتير ودلوقتي أبطال".
واختتمت: "عملت أدوار الأم عشان اثبت وجودي من خلال الدراما وعملت ثريا أبو الفضل، وكان فيها مي عز الدين وخيرية أحمد وطارق لطفي والحقيقة والسراب دخل مصر مفاجأة ومكنتش عارفة أنه اتعرض وكنت بصيف مع ولادي ولقيت الناس بتكلمني وأنا عرفت أنه اتعرض، والمخرج كان هيتجنن أن إزاي أعمل أول بطولة ليا وأكسر الدنيا بالشكل ده".