نجوى فؤاد تكشف سر خلافها مع لوسي

حلت الفنانة نجوى فؤاد، ضيفة على برنامج "قعدة ستات"، الذي تقدمه الإعلامية مروة صبري، والمعروض على فضائية "القاهرة اليوم".
أقرأ أيضًا: كيف أصبحت نجوى فؤاد راقصة محترفة| وقصة إصابتها بالعمى 5 سنوات
وكشفت نجوى فؤاد، سبب خلافها مع الفنانة لوسي، قائلة: "مش زعلانة منها بسبب الغيرة، لأني عمري ما غيرت من حد، والناس العادية وغير العادية بتحبني، وأنا ولوسي كنا قريبين من بعض، وحصل سوء تفاهم في موقف معين، وانسحبت من الموقف، وأنا لما بنسحب مش ببص ورايا، علشان أنا برج الجدي".
واستكملت نجوى فؤاد حديثها: "مغلطش في موقفي مع لوسي علشان أصلحوا، وهي غلطت فيا هي وأسرتها، أنا سمعت إنهم تعبانين، واشتريت شوية حلويات ورحتلهم، وكان معايا صديقة صحفية، وهي اللي كانت تعبانة، ونزلت البواب قاللي دول في المستشفى، قولتله مستشفى إيه ومحدش رد عليا، وعرفت أنهم فوق نائمين، قولتلهم أجيلكوا وقت تاني واتضايقت".
وأضافت نجوى فؤاد: "مش هي اللي
قالت ده واحدة شغالة صغيرة، طلعت سلم البيت لغاية الأسانسير، وأتجرحت جدًا، وكنت رايحة من قلبي، قوليلي قابليني في أي وقت مش كده، الموقف على بعضه مش حلو، لما أكون نايمة، البنات نايمة ممكن تتصلوا بعديها بساعة، وفي 100 اعتذار، ومكلمتنيش ولا أنا اللي كلمتها، ومش متضايقة إن مش بكلمها، ولوسي فنانة موهوبة ومحترمة، وممثلة درجة أولى ومعترفة بيها مليون في المية".
ووجهت رسالة لبوسي، قائلة:" كنت زعلانة منك بس والله نسيت، وتليفوناتي ومخي وقلبي وعواطفي كله ليك، مفيش حاجة، ومفيش زعل بينا وبين بعض، ومش زعلانة|.
للمزيد من الأخبار طالع alwafd news