شيرين: حسام حبيب مريض بحب الامتلاك.. ونصيحتي لبناتي بلاش زواج

اعتذرت الفنانة شيرين عبدالوهاب، لجمهورها على الهواء، قائلة: "عاوزة استغفر ربنا على الكذب اللي كذبته بسبب حسام حبيب عشان أخلي صورة إنسان تبقى جيدة وأنا كذبت ودي أكتر حاجة ربنا مايحبهاش هي الكذب وأنا لا أحبه".
اقرأ أيضًا.. التريند الحرام.. والد حسام حبيب يُفاجيء شيرين عبد الوهاب بتصريح جديد (تفاصيل)
وتابعت خلال مداخلة هاتفية ببرنامج "كلمة أخيرة"، تقديم الإعلامية لميس الحديدي، والمذاع عبر فضائية "ON"، مساء الثلاثاء، : "كذبت في حاجات كتيرة أوي لإني بنت أصول وكنت عاوزة أرفع صورة إنسان ممكن يروح في يوم من الأيام يتزوج من عائلة تانية واخلص منه ولو كنت قلت كلام سيء وقتها مكنش هيعرف يتزوج مرة أخرى وأنا نفسي يتزوج
ويبعد عني".
وأكملت: "أنا سيدة قاعدة في أمان الله مع بناتي بقالنا 4 سنوات شايفين الويل سافرنا الساحل، وقلنا نصيف أربع أو خمس أيام ونرجع مبسوطين وتتحسن نفسية البنات ونفسيتي ومكناش بنخرج ومكناش عايشين تقريباً والبنات مكنوش بيعرفوا يجلسوا معايا، ونصيحتي لهن بلاش زواج".
واستطردت : "بناتي لم يكونوا عارفين يعدوا معايا لإني كنت عايشة مع زوج مش بيشتغل تقريبا وكنت محبوسة 24 ساعة في حجرة نومي مش بعمل حاجة قاعدة بس وأنا غلطت في حق نفسي في حق شريين عبد الوهاب لكن في نفس الوقت مكنش عيب أن
شريين عبد الوهاب المشهورة الست المتجوزة تحاول تحافظ على بيتها".
وواصلت : "أنا كنت فاكرة أني بحافظ على بيتي لكني اكتشفت أنه مكنش بيت كنت أعيش كعيشة الفئران أو مصيدة أنا كنت مثل الفأر اللي بيدخل المصيدة ياكل حتة جبنه"
وتابعت : "كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك ومع ذلك فضلت بجواره وهو لا يعرف إلا فكرة حب الامتلاك وصبرت لأني كنت بحاول أنجح الحب ده ومكنتش بحب أتهزم وأنا بطبعي أكون خدامة الرجل الي أعيش معاه".
واستطردت : "لقيت نفسي بعد فترة كورونا بدمر وشغلي بيقف اللي كنت معتمده أنه يخلصه لم يفعل شيء وهو شخص مودي جداً وخسرني كل الناس أخويا وأختي وأمي وأصحابي والسائق والشغالة كل الناس خسرتهم، وكان بيعتقد أن كلهم متآمرين عليه".
للمزيد من أخبار قسم الميديا اضغط هنا