بكري: لو تنحى الرئيس السيسي عن الحكم سيخرج الشعب لإرجاعه

وجه الإعلامي مصطفى بكري، الشكر إلى الرئيس عبدالفتاح السيسي على قرار تأجيل تطبيق زيادة الكهرباء قائلا: "نشكرك إنك بتسمع صوت الناس، وعندنا أمل إنها تتأجل أكثر من مرة، الناس عايزة تعيش ومش عايزة غير الستر"، مردفًا: "الرئيس السيسي بيشتغل بإخلاص وضمير ولا نملك له إلا الدعاء".
اقرأ أيضًا.. فيديو.. مصطفى بكري: السيسي رئيس وطني يشعر بكل المصريين
وتابع بكري، خلال برنامج "حقائق وأسرار"، المذاع على قناة صدى البلد، مساء الخميس، : "الشعب عنده ثقة في السيسي، فيه ناس ساعات بتزعل لكن وقت الجد لا، لو الرئيس السيسي قال همشي الشعب هيخرج يقوله
ابقى لأنك صادق، فيه وزراء المفروض يمشوا آه، فيه محافظين مشوفناش وشهم آه، لكن إحنا عندنا زعيم وطني أنجز في 8 سنوات ما لم ينجز في 4 سنة، لدينا قائد لا ينام، يحم مشكلات 100 مليون".
وعن مقال الكاتب الصحفي عماد الدين أديب الذي تحدث خلاله حول توقعاته بحدوث حالة من عدم الاستقرار في مصر بسبب حرب روسيا وأوكرانيا، قال: "أعاتب على زميلنا الكاتب الصحفي عماد الدين أديب، بعد رصده سيناريوهات سوداء قادمة، وحديثه عن
عدم من الاستقرار والفوضى".
وتابع : "في مصلحة من نشر هذه التوقعات غير المنطقية، الكلام خاطيء، خلي ثقتنا في بلدنا قوية، هو مفيش بلد وشعب وجيش، إحنا في 67 بكل البلاوي تحملنا الأزمة ووقفنا مع جمال عبدالناصر لثقتهم فيه".
وأكمل: "الناس تهرب وتروح فين على السودان وليبيا وفلسطين، دا الدول دي واقعة خالص"، مواصلا: "هجرة جماعية من إيه، ليه مفيش حكومة وشعب وجيش مفيش ثقة بالإدارة الحاكمة، نحن لسنا أغبياء ونعرف كيف تدار الأمور".
وأردف: "لا أنكر إن فيه مشكلات وأولها مشكلة البناء اللي رئيس الوزراء مش عايز يرد علينا لغاية دلوقتي، والله فيه مقاول بيشتغل سائق توك توك، بقول لرئيس الوزراء حضرتك بطئ في القرارات ولازم تتحرك".
للمزيد من أخبار قسم الميديا اضغط هنا