قالت هالة حفيدة الفنانة زوزو نبيل، إن جدتها الفنانة الراحلة لم تكن كغيرها من الحماوات، ولم تمارس شغل الحموات على والدتها، مؤكدة أنها فرحت بها عند ولادتها لأنها أول حفيدة لها، ولم تطلب من والدي أن يسميني على اسمها. اقرأ ايضًا... في ذكرى ميلادها.. ما لا تعرفه عن زوزو نبيل وسر حبها الشديد لضرتها وأضافت هالة حفيدة الفنانة زوزو نبيل، خلال حوارها مع برنامج "عيلتي وافتخر"، اليوم الثلاثاء، أن الفنانة زوزو نبيل كانت تحب من حوله ونشأت صداقة قوية مع "ضرتها الحاجة فاطمة"، قائلة: " كانت عايشة مع الزوجة الأولى ل جدي.. ولما كان حد يكلمها عن أي دور من الأدوار التي تلعبها.. الحاجة فاطمة كانت تقولهم: اسألوني أنا أختها الكبيرة". وأكدت: "ابويا لم يُستشهد في حرب أكتوبر زى ما بيتقال.. لكنه تُوفى بعد الحرب ب عامين، ولقب شهيد ده كبير أوي.. وكان يشرفني إن ابويا يبقى شهيد بس أنا مقدرش آخد لقب مش بتاعنا". وتابعت: "ماما زوزو كانت بتحب جوزى جدًا و كان بالنسبة لها بدل أبويا، ومن كتر ما جوزى طيب حست انه ابنها، وعيلة ماما زوزو مشهورة بالبيت الكبير، بيت العيلة، انا اخدت منها إحساس الحب اللى الواحد بيحس بيه و الانبساط لما واحد بيبسط حد لان هى ديه كانت حياتها". واختتمت قائلة اقول للعيلة إنتوا اسعدتونى طول عمركوا ودلعتوني، وعلى طول كنتوا معايا وجنبى ودي السمة اللى عندنا الحمد لله، و لو ماما زوزو سمعانى دلوقتى اقولها وحشتينى اوى اوى يا ماما زوزو. موضوعات ذات صلة... لهذا السبب.. سخرت الشحرورة من زكي رستم فصفعها أمام الجميع هموم مصرية.. مسلسل.. صنع نجوماً