(فيديو) السيسي للمسئولين: انزلوا المرج والمطرية والخصوص شوفوا الناس عاملة ايه

قال الرئيس عبدالفتاح السيسي إن المواطن الذي لا يعمل يعد خصمًا للبلد، معقبًا: "المواطن اللي مبيشتغلش هو الخصم للبلد، البلد مش خصم، في 2011 هدوها ولولا فضل الله علينا وكرمه كانت البلد دي زي كل البلاد اللي حوالينا".
اقرأ أيضًا.. مزايا المشروع القومي لتنمية الأسرة المصرية المقرر انطلاقه اليوم
وتابع "السيسي"، خلال إطلاق المشروع القومي لتنمية الأسرة المصرية، اليوم الإثنين، أن الدولة حريصة على حقوق الإنسان،
وعلى المواطن أن يعي حجم التحديات، التى نواجهها فى ظل الزيادة السكانية، والمشكلات الكثيرة، مؤكدًا أن ملف حقوق الإنسان على رأس أولويات الدولة.
وتابع: "بقول لكل الدول اللي بتقول لنا إنتوا ليه مبتديوش حقوق للناس.. حقوق إيه أنا مش لاقي أكل.. مش عارف أعالج، مش عارف أعلم.. مش عارف
أسكن"، موجهًا رسالة للمسئولين روحوا المرج والمطرية والخصوص شوفوا الناس عاملين إزاي.. خشوا خشوا.. يا كل اللي مسئولين معايا يا اللي في الجامعة والجامع والكنيسة والصحة والإعلام شوفوا لما بمشي في الشوارع بلاقي ايه. أنا عشان أفتح شارع بهدم 1000 بيت وبفتح شوارع عشان الناس تمشي".
ويحضر الرئيس عبدالفتاح السيسي، صباح اليوم، فعالية المشروع القومي لتنمية الأسرة المصرية بمركز المؤتمرات الدولية "الماسة" بالعاصمة الإدارية الجديدة.
وصل، قبل قليل، الرئيس عبدالفتاح السيسي، إلى مقر إطلاق المشروع القومى لتنمية الأسرة المصرية.