بسمة وهبة عن أسبوع الصعيد: الرئيس السيسي أعاد لنا الأمل في تحقيق الأحلام (فيديو)

قالت الإعلامية بسمة وهبة، إن الرئيس عبدالفتاح السيسي يسعى إلى توفير حياة كريمة لكل أهالي الصعيد، موضحةً: "كلمة حياة كريمة بتطير النوم من عيون أعداء البلد، وفي نهاية العام، كل العالم يعيش في أزمات، لكن مصر خرجت من السنة دي مستقرة وتبني وتطور وتبني قرى وتطور فيها وتعمل في كل مكان".
اقرأ أيضًا.. طالبة تتلعثم أمام السيسي خلال عرض مشروعها .. هكذا رد الرئيس (شاهد)
وأضافت خلال تقديم حلقة اليوم، من برنامج "90 دقيقة"، على قناة المحور: "ما حدث في 7 سنوات لم يحدث في عشرات السنوات، مليون شكر من عندي من عندي ميكفوش، شكرا على إننا عايشين في بلدنا مطمئنين وإنك رجعتنا نحلم ونؤمن ببلدنا، وشكرًا إن ولادنا وأطفالنا وشبابنا بقى عندهم أمل إن الأحلام ممكن تتحقق وإن أبواب البلد مفتوحة للكل دون فساد ولا للمحسوبية، بشرط تكون مخلص وعندك اللي تقدر تمنحه للبلد".
وتابعت، : "أنها كانت تخاف من تهديدات
أهل الشر، وبخاصة أنهم هددوا المصريين بإراقة بحور من الدماء، لكن هذا الوضع تغير كليًا"، مردفة "بس دلوقتي عايشة وشايفة إن أهل الشر في جحورهم، ومصر بقت منورة بالأمن والأمان وشرطتها وجيشها ولما بشوف الريس في قلب الشوارع قلبي بيتطمن لأني بشوف فرحة الناس إن عندها رئيس إنسان مخلص، أب ضهر قادر يسمعهم ويحميهم ويحفر معاهم في الصخر عشان يبنوا بلدهم ومكناش بنحلم بأحلى من كده".
وتابعت : "أنا مواطنة مصرية تحب البلد وتعشق ترابها وأتابع وأشوف اللي بيحصل على أرضها من يوم ما حضرتك توليت المسؤولية، زيي زي كل المصريين وأمهات مصر، نفسي بلدنا تكون أحسن، صدقتك لما قلت إن مصر هتبقى قد الدنيا، وهنبني بلدنا من جديد، وسنخلق حباة كريمة لكل مواطن بعد سنوات من الارتباك
وعدم الاستقرار والحياة التي لا تليق بالشعب المصري ولا بدولة بحجم مصر".
وأكملت: "بس أنا كنت مشفقة على حضرتك، وبقول دي أحلام، وتصريحات وردية من بتاعة المسؤولين والرؤساء اللي بيقولوها في الأول، عشان ده اللي اتعودنا واتربينا عليه قبل ما حضرتك تمسك الحكم، كنت بسأل إزاي كلامك هيتحقق واحنا خارجين من ثورتين ودول حوالينا بتخبط في بعضها والاقتصاد بينهار، لكن بقول نفسي أنا مصدقة الرئيس لكنه هيحتاج 30 سنة عشان يعمل كل اللي بيقول عليه، عشان نخلص من الإرهاب والفوضى ونبني البلد من جديد".
وأردفت: "يا ريس، انت عملت المستحيل وحققت أحلام مواطنة مصرية ببلد مستقر وقوي ويبني مستقبل، حضرتك حققت المستحيل وفي زمن مستحيل".
اقرأ المزيد:
فيديو.. السيسي ينفعل على الهواء: علشان الكرسي خلوا البلد كهنة
فيديو.. السيسي: أنا عايز ربنا يشيلني كل حاجة أنا عملتها يوم القيامة
فيديو.. السيسي يكشف سبب غلاء اللحوم والألبان
فيديو.. السيسي يتفقد مصنع اليوريا ونترات الأمونيا في أسوان
وزير الزراعة: 4.5 مليار جنيه حجم خدمات الدعم المقدمة للمزارعين (فيديو)
السيسي: عايزين نغني الناس مش ياخدوا دعم كل شوية والدولة متنهضش (فيديو)
أحد العارضين يهدي السيسي " كوفرتة كتان".. والرئيس: "هدفع حقها" (شاهد)
للمزيد من أخبار قسم الميديا اضغط هنا