اللواء سمير فرج.. ماذا قال السيسي عن قائد كتيبته (فيديو)

كشف الرئيس عبد الفتاح السيسي اليوم ، خلال الندوة التثقيفية للقوات المسلحة في ذكرى حرب أكتوبر ، عن قائد كتيبته فى الجيش منذ 40 عاما، وهو اللواء سمير فرج، مدير الشئون المعنوية الأسبق، قائلا: "اللواء سمير فرج كان قائد كتيبتي وعمره ما ذكره ده، وده أمر مش هقول هقدره، عشان أنا رافضه، لكن أنا بقدره".
اقرأ أيضًا .. شاهد.. بكاء اللواء سمير فرج أثناء كلمته أمام الرئيس السيسي لهذا السبب
السيسي: اتعلمت من سمير فرج حل المشكلات
وتابع السيسي: "كنت ملازم أول وقالوا المقدم سمير فرج جاي يمسك الكتيبة، وكان السمعة والقدرة العلمية معروفة جدا، وكان راجع من بريطانيا، ولما روحت بريطانيا، كان أشهر حاجة المناظرة اللي تمت بين شارون واللواء سمير فرج، طب أنا اتعلمت إيه منه، اتعلمت منه حل المشاكل، خدني ظابط استطلاع، وفوجئت إن كل المشاكل بيلاقي طريقة لحلها بهدوء ويسر وفكر، وكان ليا حظ
إني خدمت معاه، كقائد للفرقة 33، فأنا بوجه ليه كل التحية والتقدير".
سمير فرج :السيسى كان الملازم الوحيد اللى أخد امتياز فى دفعته
ومن ناحيته رد اللواء سمير فرج قائلا " عمري ما ذكرت هذا حتى لا يقال أنني أتملق، ولن أتحدث في هذا الأمر مطلقا، كنت ملازم أول عبدالفتاح سعيد السيسي، ويوم ما سبت الكتيبة، كتبت التقرير السري، وعملت التقرير، وكان الملازم أول الوحيد اللي خد تقدير امتياز كنت حضرتك".
سمير فرج يوضح سبب حصول السيسي على امتياز
وشرح سمير فرج سبب حصول الرئيس السيسى على امتياز فقال " كتبت ليه الامتياز، كنا بنلف في عربية جيب وحصلت عاصفة رملية، وبلغنا قيادة اللواء وبعتوا بلدوزر، والكتيبة كان فيها مواقع مناعية وألغام ، وقلت النهار له
عينين، والملازم عبدالفتاح السيسي، قالي المدنيين لازم يعدوا الصبح، ونزل الملازم عبدالفتاح يفتح الطريق، وقالي أنا حافظ الطريق يا فندم، وكلم الشئون الإدارية يجهزوا الفطار، وغير الفطار من جبنة بيضة إلى عدس عشان الشتاء، وطلب توزيع جبنة مثلثات بدل الجبنة اللي في صفايح عشان أسهل، وتاني يوم قالي تمام في كل شي،، الظابط اللي ياخد كل القرارات دي، يبقى صاحب قرار، الكلام ده من 40 سنة وإديتك امتياز، ومكنتش عارف إنك هتكون رئيس جمهورية، القرار شفته لما بتخلص مصر من الإخوان".
السيسى : عمر العين ما هتترفع عن الحاجب
وأردف سمير فرج "قراراك بتخليص مصر من الإخوان هيتكتب بعد 100 سنة، كل اللي بتعمله كوم، والإخوان كوم، في اليوم ده افتكرت الملازم عبدالفتاح السيسي، بفتخر إني كنت مع حضرتك "،ليرد السيسي، لأ يا فندم، أنا اللي كنت مع حضرتك،عمر العين ما هتترفع عن الحاجب".
موضوعات ذات صلة
فيديو.. سمير فرج يكشف معلومات لأول مرة عن السيسي عندما كان قائده في الكتيبة
(فيديو) السيسي مشيدا باللواء سمير فرج: عمر العين ما هتترفع عن الحاجب
(شاهد) ماذا قال الرئيس السيسي لقائد كتيبته خلال الاحتفال بنصر أكتوبر