سيدة خمسينية تحصل على الثانوية العامة وليسانس حقوق بعد طلاقها بعشر سنوات

لا شىء مستحيل، طالما هناك طموح وعزيمة تستطيع تحقيق الأحلام، حيث استطاعت سيدة خمسينية، بعد طلاقها أن تحصل على الثانوية العامة، ثم على ليسانس حقوق، سرد أحد أبنائها القصة عبر مواقع التواصل الاجتماعى، ولاقى المنشور حالة من البهجة والسعادة من قبل رواد مواقع التواصل الاجتماعى، معبرين عن فرحتهم بهذه السيدة الإصيلة التى استطاعت تحقيق حلمها رغم المعاناة.
وقال أحد أبنائها عبر منشور على مواقع التواصل الاجتماعى «فيسبوك»: ماما مكملتش
تعليمها عشان تتجوز وهى عندها 18 سنة وجابت 4 أولاد وبعد طلاقها من بابا من نحو 10 سنين جالها حالة من الاكتئاب، اقترحنا عليها أنا وإخواتى أنها تكمل تعليمها وده ممكن يشغلها شوية من اللى كانت فيه وإن حياتها ممكن تتغير شوية، وفعلاً أخدت القرار ده، ودخلت الثانوية العامة وذاكرت واجتهدت وجابت مجموع كبير بعد
كده اختارت تدخل كلية الحقوق وفعلاً دخلت الكلية وبدأت تحضر المحاضرات وتذاكر زى أى حد لحد ما جه اليوم اللى تتخرج فيه وبتقدير كمان أنا وإخواتى عمرنا ما كنا نتخيل إنها توصل للمرحلة دى!
إحنا بجد فخورين بيكى يا أمى فعلاً علمتينا يعنى إيه مفيش حاجة اسمها مستحيل وأن دايماً فيه أمل، انتى مثال للنجاح والطموح.
داعياً لها: ربنا يخليكى لينا وعقبال ما نشوفك أحسن محامية فى مصر لأن الحلم والطريق لسه مخلصش، مبروك يا أمى، على فكرة هى كمان جالها عريس من سنة وجوزناها، فهى عروسة برضو.