(فيديو) السيسي: لما اتكلم عن الدعم الناس تقولي ما أنت ماشي كويس والناس بتحبك

قال الرئيس عبدالفتاح السيسي، إن الدولة لن تلغي الدعم عن المواطن ولكن ستعيد ترتيبه.
اقرأ أيضا : السيسي: ربنا اللي جابني للكرسي وهو اللي هيمشيني
وعقب السيسي خلال كلمته في افتتاح مشاريع سكنية بمدينة بدر، اليوم السبت، على قضية الدعم وإعادة صياغته، قائلًا: كنت اسمع كلام كتير السنين اللى فاتت فى التلفزيون واقرأ كلام كتير عن الشأن العام فى مصر ولكن هناك فرق بين التنظير وحل المسألة، واللى إحنا فيه دا حل المسألة واللى قبلنا ما حلوش المسألة ليه.. عشان كدا لما أتكلم فى قضايا زى إعادة صياغة الدعم الناس بتندهش.. وبتقولى ما أنت ماشى كويس والناس بتحبك.. بتعمل كدا ليه.
السيسي : إحنا بنعمل اللي يرضي ربنا
وأضاف الرئيس: إحنا بنعمل كدا عشان نغير بلدنا مش عشان الناس تحبنا، وبنعمل اللى يرضى ربنا، ونتصدى لقضايا كل الناس لا تتصدى لها.. ومفيش حاجة اسمها ماليش دعوة.. وعشان نقدر نكمل الموضوع كويس لازم نعيد
ترتيب وصياغه دعمنا للناس".
وتابع :" دعمنا فى السنة 275 مليار جنيه، يعنى فى 10 سنوات، 2 تريليون وثلاثة أرباع التريليون، وربما يصل الرقم ل 3 تريليون جنيه.. طيب تطوير الريف المصري من صرف صحي وكهرباء وتبيطن ترع وصحة تعليم تصل ل 700 و800 مليار جنيه في 3 سنوات.. إحنا لما تولينا المسئولية كان يوجد 12% فقط من الصرف الصحى في الريف، وخلال ال 7 سنوات الماضية وصلنا لتنفيذ 40%".
مين يقدر يستمر على كده.. لو أنا قولت أنا مش هكون وقتها واللي موجودين ربنا يوفقهم، وأنا كنت فاهم اللي هيحصل للبلد.. ربنا هيحاسبني، وهيقولي كنت فاهم الوضع وساكت ليه، هقوله أصلي كنت عايز استمر على الكرسي على طول، هيقولي الكرسي ده أنا اللي جبتك فيه وأنا اللي همشيك
منه"، مستدلًا بقوله تعالي "تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ".
وأكد أن وزير التموين يدرس حاليا ملف دعم الخبز، قائلًا: "الناس هتقول بردو بتكرره تاني.. أيوة أنا بتصدى للقضايا، وبستفيد من الفرص عشان اتكلم معاكم وأقولكم أن الحال اللي كنا فيه غير قابل لإنجاح الدولة".
ووصل الرئيس عبد الفتاح السيسي، صباح اليوم السبت، إلى مدينة بدر لافتتاح عدد من المشروعات السكنية المتنوعة، ومن المقرر أن يفتتح الرئيس عبدالفتاح السيسي، في مدينة بدر عددًا من المشروعات السكنية المتنوعة، ضمن الخطة الاستراتيجية للدولة لتوفير سكن ملائم لجميع المصريين يناسب ظروفهم واحتياجاتهم.
جدير بالذكر أن الدولة قامت بتوفير مجتمعات عمرانية وسكنية متكاملة الخدمات تضم الوحدات السكنية والمرافق الخاصة بها المناسبة لكافة فئات المجتمع، ونخص بالذكر المشروعات الموجهة للفئات الأقل دخلاً في مصر والتي توفر لهم الدولة مشروعات الإسكان الاجتماعي بجميع أنحاء الجمهورية، بالإضافة إلى توفير بها الخدمات التعليمية والصحية والثقافية والترفيهية.
وما زالت افتتاحات المشروعات السكنية الداعمة للمواطن على رأس أولويات القيادة السياسية؛ إذ إنها دائمًا ما تؤكد إصرارها على استكمال جهود إحداث طفرة غير مسبوقة في قطاع الإسكان بمصر، وذلك من أن تولي الرئيس عبدالفتاح السيسي رئاسة الجمهورية.