ريهام سعيد في قرار مفاجئ: هرجع لمهنتي الأولى

نشرت الإعلامية ريهام سعيد قرارا جديدا بشأن عملها كإعلامية، حيث قررت اعتزال الإعلام تماما والاتجاه للتمثيل، وذلك عبر حسابها الرسمي على موقع تبادل الصور والفيديوهات "إنستجرام".
اقرأ أيضًا..بعد عودة برنامجها .. ريهام سعيد للجمهور: وحشتوني
عودة ريهام سعيد للتمثيل
وجاء القرار كالآتي: "فكرت كتير قبل ما اكتب البوست ده. أنا اعتزلت التمثيل سنة 2015 لأني حسيت أن صاحب بالين كداب وأن التمثيل مأثر عليّ مسيرة الخير الي ابتديتها من سنين طويلة عشان الوقت والمجهود اللي بعمله. لكن عشقي للتمثيل الي هو دراستي ومهنتي الأولى قبل الإعلام رجعت أمثل تاني وأنا لسه في نظر المخرجين والمنتجين مذيعة عايزة تمثل. كنت عارفة إن عشان آخد مكان كممثلة لازم أسيب الإعلام زي مع حفظ الألقاب داليا البحيري وبسمة ودينًا فواد ودينا الشربيني... بس مكنتش قادرة أسيب رسالتي الي كانت مهمة أوي وقتها".
أسباب اعتزال ريهام سعيد للإعلام
وأضافت: "أنا حصل لي مشاكل كتير من المهنة دي بتأثير
باطل من السوشيال ميديا من منافسين وأعداء بسبب المشاهدة العالية جدا والنجاح أنا تعبت وحاسة أني قدمت كل الي ممكن يتقدم والدولة عاملة الي عليها ومش محتاجين دور المجتمع المدني في مساعدة الناس ولكن أنا ليه الشرف أني اشتغلت في المهنة العظيمة دي الي ليها رسالة سامية وعظيمة وليه الشرف أني كنت إعلامية في أصعب وقت مر على الإعلاميين أيام حكم الإخوان والحمد لله كان لينا موقف واضح وماتغيرش ولا دقيقة... أنا الحمد لله حققت في التمثيل وكل الي اشتغلته علم مع الناس واشتغلت أعمال كلها قيمة بس بعد ما جالي السكر وشوية مشاكل تانية".
ريهام سعيد تعتزل الإعلام
وأعلنت اعتزالها الإعلام قائلة: "قررت أعمل الي بحبه أنا بكل أسف بعلن اعتزالي الإعلام تماما وهاركز كممثلة وهاطلب من الدكتور
أشرف زكي أنه يساعدني أني أغير الفكرة الموجودة في أذهان المخرجين والمنتجين إني مذيعة، ورسالة للأستاذة كاملة أبو ذكري ومش مكسوفة نفسي أوي أمثّل معاكي حتى لو مشهد ده من أحلامي.
واستطردت :"خطوه صعبه وفيها ريسك كبير بس على الاقل اجري ورا حلمي حتى وأنا في السن ده. جه الوقت اني استمتع بالي بعمله وبحبه خصوصاً لما يكون في عصر ولا في وسطه ولا محسوبية الي هايجتهد هايوصل.
وختمت، قائلة:"ماتسيبوش حلمكم مهما فات الوقت، بشكر جمهوري من الأمهات والشباب والأطفال الي دائماً بيدعموني وحبّو برامجي واتعلموا منها وبشكر ربنا على عشرين سنه ادّاني الفرصة فيهم اني اقضي حوائج الناس وأقدّم كل ما هو مفيد. فخورة بكل حلقه وبكل حرف قدمته 200 سنه تعب وسهر وكان وتصميم على تقديم الحقيقه. انا آسفه ليكوا بس التمثيل رساله برضوا وهو حلمي الاساسي الي اتأخرت اوي عشان احقّقه يا رب وفقني وساعدني".
يذكر أن آخر المشاركات الدرامية لريهام، كانت من خلال مسلسل "وادي الجن"، الذي تم عرضه عبر إحدى المنصات الترفيهية الشهيرة، بطولة"يوسف عثمان، إنجي أباظة، سينتيا خليفة، حسام الشاعر، فراس سعيد ،محسن منصور، ومن تأليف: عمر خالد ومنة إكرام، إخراج:حسام الجوهري.