كاملة أبو ذكري تكشف حقيقة تبرعها بطرف صناعي ل شريف دسوقي

كشفت المخرجة كاملة أبو ذكري حقيقة ما أثير حول تبرعها بطرف صناعي للفنان شريف دسوقي، بعد خضوعه لعملية بتر في قدمه اليسرى بسبب مرض السكري.
وكتبت "كاملة" عبر حسابها الرسمي على موقع التواصل الإجتماعي "فيسبوك": "صديقة عزيزة عليه من زمان كلمتني وطلبت إنها عايزه تتبرع لأستاذ شريف دسوقي بالطرف الصناعي، صديقتي عايزة تعمل كده من حبها وإيمانها بأستاذ شريف دسوقي، ومش عايزة أقول هي مين علشان عارفه إنها بتعمل كده مش
علشان الترند والشهرة، هي أصلا من خارج الوسط الفني.
اقرأ .. تامر حسني ل شريف دسوقي: أنا معاك ومش هسيبك
وأضافت، أنا ماليش علاقه بالتبرع أنا مجرد نقلت رسالتها هي ربنا يجازيها كل خير وصلت ليه الرسالة، أنا بكتب البوست ده لإني لقيت أخبار بتقول إني عايزه أتبرع لأستاذ شريف وده مش صح ما ينفعش أخد خير حد غيري عايز
يعمله، حبيت بس أصحح الخبر".
وكان قد تداول عدد من رواد مواقع التواصل الإجتماعي أخبار تفيد تعرض الفنان شريف دسوقي لعملية بتر في قدمه .
وأكدت الفنانة بدرية طلبة الخبر، حيث كتبت عبر حسابها الشخصي عبر موقع التواصل الإحتماعي فيسبوك: "للناس اللى بتتصل وبتبعت رسايل علشان تطمن على الفنان شريف دسوقى (سبعبع) كان فيه جرح فى رجله الشمال وهو مريض سكر حالته ساءت جدًا وبعد الفحوصات والأشعة والتحاليل قرر الدكتور بتر الرجل من تحت الركبة.
كان الفنان شريف دسوقي أصيب خلال تصوير أحد الأفلام، وانتقل للعلاج بإحدى المستشفيات، قبل أن يقرر الأطباء إجراء عملية بتر لإحدى قدميه.