والدة أحمد السقا عن هجوم مها أحمد : كومبارس فاشلة

ردت السيدة نادية والدة الفنان أحمد السقا على منشور الفنانة مها أحمد الذي تهاجم فيه فنانين من زملائها في الوسط الفني دون ذكر أسمائهما واتضح أنها تقصد الفنان أحمد السقا والفنان أمير كرارة.
اقرأ أيضًا.. شقيقة السقا ترد على مها أحمد: إزاي كنتي بتدخلي بيتنا
كتبت نادية السقا عبر حسابها الرسمي على موقع التواصل الاجتماعي فيسبوك قائلة : "على الأصل دور كومبارس فاشلة تتطاول وتسب فنانين كبار وتعلق فشلها عليهم تبحث عن الشهرة بطريقة بذيئة".
وأضافت: "مهما حاولتي يا كومبارس ليس لك مكان بين الفنانين المحترمين وأن طلع العيب من أهل العيب ما يبقاش عيب".
وجاء منشور مها أحمد على موقع التواصل فيس بوك
كتبت مها أحمد قائلة: "عوضي على الله دي الجملة اللي دايما بقولها لما اتصدم فأشخاص، الحكاية يا سادة نجمين عملوا مسلسل واتنجمت عليهم بنوتة لسه ألف باء
تمثيل، واديتهم على قفاهم وركبت عليهم، إلى أن أصبحت بطلة المسلسل وبطلة الدعاية للمسلسل، وهما راضيين رغم إن طول عمرهم مبيعملوش كده مع أية زميلة لهم أقربها أنا".
وتابعت: "النجم الأولاني بيني وبينه عيش وملح وزمالة، رشحت فمسلسل بطولته وكان بيقنعني بدور، ولما وافقت بعتولي دور تاني معرفوش دور متعملوش واحدة مبتدأة، المفروض إنه عارف قيمتي الفنية وعارف أني إضافة له، اتهرب مني وموقفش جنبي وباعني، رغم إن الكل عارف إني زي اخته (ندل)، أما التاني كان فبداياته يتمنى يسلم عليا ويقولي يا استاذة، نزلت من نفسي وقلتله مش هنشتغل مع بعض ما هي الحوجة مرة، رد وقالي الدور بينادي صاحبه، طبعا محكلكوش قد ايه ندمت
نفسي وعشت أسود أيام حياتي عياط واكتئاب، وقلت عوضي عليك يارب".
وأضافت: "تمر الأيام والاتنين يعلو ويتجمعوا مع بعض فمسلسل واحد (على عينهم طبعا) ويمثلوا وحش قوي، تمثيل الكفار وطلعوا كمان مبيقروش اللي بيمثلوه، وربنا يركب عليهم بنوتة سنة أولى تمثيل وخبره ويتحول المسلسل والدعاية الدراما كامله لصالحها وهما (مخدماتية للأستاذة)، يمهل ولا يهمل ابدوا من جديد يا أوفر تمثيل ياللي مبتقروش يا كمبارس جنب النجمة، نصيحه بلاش تتشطروا على اللي كان بينكم وبينهم عيش وملح بلاش تتشطروا على اساتذتكوا، عوضنا على الله يارب متحوجنا لحد حتى ولو كان أقرب الناس لينا".
أمير كرارة عن هجوم مها أحمد : والله عمري ما شوفتها
وعلق كرارة على منشور أحد الصحفين بوقع التواصل الإجتماعي فيسبوك قائلًا: "يا خالد أنا عمري ما شوفتها أصلا والله أنا مجدي وخالد وصلاح كامل ناس محترمة دخلت بيتهم".
وتابع كرارة :"جملة الدور بينادي صاحبه دي أكيد معرفش بتتقال إزاي والله.. وسبحان الله مع إنها كانت مبسوطة من جملة كتع كسح كسل ومتكلمتش غير بعد قرار محمد سامي لما نزل".