عمري ما شفتها أصلا.. أمير كرارة يرد على مها أحمد

رد النجم أمير كرارة على ما قالته الفنانة مها أحمد صباح اليوم في منشور لها على "فيسبوك" والتي هاجمت فيه نجمين من زملائها في الوسط الفني دون ذكر أسماءهما، ولكنه تبين بعد ذلك أنها كانت تقصد أحمد السقا وأمير كرارة.
وكتبت مها أحمد عن أمير كرارة: "التاني كان فبداياته يتمنى يسلم عليا ويقولي يا أستاذه نزلت من نفسى وقلتله مش هنشتغل مع بعض ماهي الحوجة مرة.. رد وقالي الدور بينادي صاحبه.. طبعا محكلكوش قد أيه ندمت نفسي وعشت أسود أيام حياتي عياط واكتئاب، وقلت عوضي عليك يارب.. تمر الأيام والاتنين يعلو ويتجمعوا مع بعض فمسلسل واحد -على عينهم طبعا- ويمثلوا وحش قوي تمثيل الكفار وطلعوا كمان مبيقروش اللي بيمثلوه وربنا يركب عليهم بنوته سنة أولى تمثيل وخبرة ويتحول المسلسل والدعاية الدراما كاملة لصالحها وهما مخدماتية للاستاذة.. يمهل ولا يهمل".
إقرأ أيضا : مها أحمد تفتح النار على زميلين في الوسط الفني.. فهل قصدت نسل الأغراب؟
ليرد أمير كرارة في إحدى التعليقات على "فيسبوك" على ما ذكرته مها أحمد قائلا: "يا خالد انا عمري ما شوفتها اصلا ولله انا مجدي وخالد وصلاح كامل ناس مخترمه دخلت بيتهم.. ووجمله الدور بينادي صاحبه دي أكيد معرفش بتتقال ازاي والله".
وتابع أمير كرارة: "سبحان الله مع أنها كانت مبسوطة ومن له كتع كسح كسل ومتكلمتش غير بعد قرار محمد سامي لما نزل".
إقرأ أيضا : بعد وصفها له ب«الندل».. شقيقة أحمد السقا تفتح النار على مها أحمد
وكانت مها أحمد، قد فتحت النار على زملاء لها في الوسط الفني لكنها لم تذكر أسمائهم.
وكتبت مها أحمد عبر صفحتها ب"فيسبوك": "عوضي على الله دى الجملة اللى دايما بقولها لما اتصدم في أشخاص.. الحكاية ياسادة نجمين عملوا مسلسل واتنجمت عليهم بنوتة لسه ألف باء تمثيل واديتهم على قفاهم وركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم أن طول عمرهم مبيعملوش كده مع أى زميلة لهم أقربها أنا".
وأضافت: "النجم الأولاني بيني وبينه عيش وملح وزمالى رشحت فمسلسل بطولته وكان بيقنعني بدور ولما وافقت بعتولي دور تاني معرفوش دور متعملوش واحدة مبتدئة المفروض إنه عارف قيمتي الفنية وعارف أني إضافة له.. اتهرب منى وموقفش جنبي وباعني رغم أن الكل عارف اني زي اخته (ندل)".
وتابعت: "أما التاني كان فبداياته يتمنى يسلم عليا ويقولي يا أستاذه نزلت من نفسى وقلتله مش هنشتغل مع بعض ماهي الحوجة مرة.. رد وقالي الدور بينادي صاحبه.. طبعا محكلكوش قد أيه ندمت نفسي وعشت أسود أيام حياتي عياط واكتئاب، وقلت عوضي عليك يارب.. تمر الأيام والاتنين يعلو ويتجمعوا مع بعض فمسلسل واحد -على عينهم طبعا- ويمثلوا وحش قوي تمثيل الكفار وطلعوا كمان مبيقروش اللي بيمثلوه وربنا يركب عليهم بنوته سنة أولى تمثيل وخبرة ويتحول المسلسل والدعاية الدراما كاملة لصالحها وهما مخدماتية للاستاذة.. يمهل ولا يهمل".
واختتمت مها أحمد: "ابدوا من جديد يا أوفر تمثيل ياللي مبتقروش ياكمبارس جنب النجمة.. نصيحة بلاش تتشطروا على اللي كان بينكم وبينهم عيش وملح بلاش تتشطروا على اساتذتكوا عوضنا على الله يارب متحوجنا لحد حتى ولو كان اقرب الناس لينا".