(مفاجأة) دينا فؤاد "قدرية" تقدم عرض ل "غزل" في السجن.. وشاهد رد فعل الخديوي

مفاجأة كبيرة شهدتها حلقة اليوم من مسلسل "اللي مالوش كبير" حيث قامت قدرية" دينا فؤاد" بالذهاب الي السجن ولقاء غزل "ياسمين عبد العزيز" في مواجهة مثيرة وصادمة، لتستنكر غزل زيارتها قائلة .. اه اللي جابك ! لترد عليها قدرية انا مش جاية اشمت او ادعي عليكي علشان خربتي بيتي وخليتي جوزي يسيب ولاده.
وبنظرات غاضبة من غزل قالت " مش حقيقي " ومش هتكلم وانا في السجن في هذا الموضوع، وتتصاعد المواجهة بين قدرية وغزل حيث قدمت قدرية عرض يساعد غزل علي الخروج من السجن واظهار برائتها بشرط ان تطلب من الخديوي الخروج من حياتها ويعود لزوجته واولاده.
وردت غزل عليها قائلة لو ليا نصيب اني اخرج من السجن
هخرج بيكي او من غيرك ، وعلي العموم وقتها ساقول له يرجع ليكي ولعيالك بس مش هاقدر اقول حاجه مش حاسه ومش هاقدر انسي ان الخديوي وقف جنبي وساعدني.
لتشتعل المواجهة بتهديد قدرية لغزل .. يبقي مش هتخرجي من السجن وهجيبلك جوا السجن اللي يربيك ويعرفك مقامك، وعندما علم الخديوي بزيارة قدرية لغزل في السجن ذهب الي منزلها وقام بتهديدها في وجود والدها وتوعدها بانها لو اخر ست في الدنيا مش هارجعلك لترد قدرية بنبرة غاضبة ورحمة امي مش هرجعلك تاني ليسقط والدها في نهاية المشهد مغشي عليه بعد اهانة
الخديوي له .
واستطاعت دينا فؤاد أن تلفت الأنظار اليها من أول مشهد فى المسلسل بسبب أدائها المميز، والمختلف، وطريقة تعبيراتها، التى أعجبت قطاع كبير من المشاهدين، وكسبت الرهان على نجاح الشخصية التى تقدمها بشكل جذاب ومختلف سواء على مستوى الأداء أو "اللوك"، حيث تتمرد دينا فى مسلسل "اللى مالوش كبير" على جميع الشخصيات التى قدمتها من قبل.
ويحقق مسلسل "اللى مالوش كبير" نسب مشاهدة مرتفعة فى الوطن العربى، كما حصل على أعلى الترندات سواء على موقع "تويتر"، أو "جوجل"، أكثر من مرة.
ويشارك فى بطولة مسلسل "اللى مالوش كبير" النجوم ياسمين عبد العزيز وأحمد العوضى ودينا فؤاد، وخالد الصاوى محمود حافظ، دنيا عبد العزيز، أحمد عبد الله محمود، أحمد سعيد عبد الغنى، إيمان السيد، بدرية طلبة، عايدة رياض، وعدد كبير من نجوم الشباب، وتأليف عمرو محمود ياسين وإخراج مصطفى فكرى، ومن إنتاج شركة سينرجى، ومدير تصوير أحمد زيتون.