محمد الشرنوبي: أنا إنسان مسؤول.. وأعتمد على نفسي منذ عمر ال10 سنوات

حل الفنان الشاب محمد الشرنوبي ضيفاً في برنامج "يوم ليك"، والذي تقدمه الإعلامية سمر يسري، والمذاع على شاشة قناة "الحياة".
اقرأ ايضاً .. أول تعليق من محمد الشرنوبي على عدم إستكمال تعليمه
وتحدث الشرنوبي بداياته الفنية وكشف الكثير من الأسرار عن حياته الشخصية، حيث قال:" صحيح أنني حاصل على الشهادة الإعدادية بسبب ظروف عائلية وليس هو عيب أو حرام الحمد لله أنا محقق حاجات كتير وأنوي أن استكمل دراستي.
وتابع، أنفق على نفسي منذ أن كان عمري 10 سنوات أنا إنسان مسؤول وأشعر أنني حققت أمورا كثيرة أفتخر بها أكتر بكتير من شهادة، والشهادة مهمة جدا لا أقلل من قيمتها،المفروض أن يكون أي شخص
في الدنيا حاملا لشهادة ومؤهل عالي.
وأضاف "الشرنوبي" الناس بتقول عليا وسيم ولكن أنا عمرى ما شوفت نفسى وسيم وشايف أنه عادى، ولو حاجة مش بحبها في وشى فهى مناخيرى كبيرة شوية ولكن مش هعمل عملية تجميل فيها لأن ربنا خالقنى كده وأكيد لسبب، وأنا مش بعرف أمدح في نفسى ولو عملت حاجة مش راضى عنها ممكن ألوم نفسى طبعا، ولما الناس بتنتقدنى ده معناه انى موجود لأن لو محدش أنتقدنى يبقى مفيش حد مركز معايا.
واستكمل، أنا من عيلة فنية جدًا وأبويا فاروق الشرنوبي وعمي
صلاح الشرنوبي وعيلتي فنية أصيلة جدا واتربيت على المزيكا والفن ودايما بحب الفن والمزيكا، وأبويا علمني أحب الحياة واتبسط وأعمل أي حاجة عشان اتبسط وابقى بني آدم كويس، والغنا بحبه لأنه موهبة اتولدت بها، وبحب التمثيل وتعبت عشان أطور نفسى وأكون ممثل، حتى في فيلم بعمله أول بطولة ليا خسيت بسبب 15 كيلو رغم انى رفيع.
وقال ايضاً، لو خلفت ابن هاخليه يعمل الحاجة اللى بيحبها ولازم الأهل يدوا الفرص لابنهم أنه يعمل الحاجة اللى بيحبها ويجتهد فيها، فأنا هاكون داعم لأولادى في أي حاجة عاوزينها.
وأكد، الغرور أصابني بعدما أصبحت مطربا محترفا، ولكن نجحت في التخلص من ذلك، وكان فيه علاقة حب في حياتي وانا دايمًا لما بحب بحب أتبسط وأعيش في حلم وأعيش اللي معايا في الحلم وأنا بحب الحب جدا وهي مكنتش على قد الحلم ده .