البصاص

‬
البصاص أخذ ابنه الصغير وطلع علي العين السخنة،‮ وهناك حب‮ يعمل فيها قمع وذيل الوزة،‮ قام خد ابنه وطلع علي منتجع رجل الأعمال منصور عامر في بورتو مارينا،‮ وهو ماشي شاف فيلات بالهبل،‮ وفجأة لقي نفسه قدام فيلا لمذيع سابق ببرنامج‮ »‬مصر النهاردة‮«‬،‮ وشوية لقي فيلا لزميله في نفس البرنامج،‮ وبعد شوية لقي لقية تعرفوا إيه؟‮! فيلا لضابط برتبة عقيد في مكتب وزير الداخلية،‮ البصاص عمل فيها كرومبو وعسعس،‮ وعرف ان الثلاث فيلات هدية من رجل البر والإحسان منصور عامر‮.. ربنا‮.. يخليه لمصر‮.‬
‮* مقدم في مديرية أمن القاهرة،‮ يسند إليه سبع وظائف ويخصص له‮ »‬6‮ سيارات‮«‬،‮ بينها سيارة شاهد البصاص وهو في شارع ريحان زوجة المقدم بتاع كل العصور تركبها ويقودها أمين شرطة،‮ المدام تعمل بحسابات الشرطة بالوزارة،‮ المقدم أول حرف من اسمه‮ يحتفظ به‮ »‬البصاص‮«‬،‮ ومنذ‮ »‬16‮ سنة‮« وهو في مديرية أمن القاهرة أمناء الشرطة تقدموا بشكوي ضده لمدير الأمن عن مخالفاته وانحرافاته،‮ ويقال إن التحقيق جارٍ‮ قولوا‮ يارب‮.. يارب‮.‬
‮* لواء ممدود له أربع سنوات بعد الستين ويعمل بالأحوال المدنية في العباسية،‮ زعلان جداً‮ جداً‮ من‮ »‬البصاص‮« لأنه كتب عنه الأسبوع الماضي اللواء طلب من مدير المباحث أن‮ يشوف مين أولاد الكلب من الأمناء والضباط في المصلحة اللي فاتحين خط مع‮ »‬البصاص‮«‬،‮ وقال له:عايزك تشب وتقب وتمسكلي البصاص متلبس وهو‮ يتصنت،‮ سعادة اللواء مخصص لمعاليه ثماني سيارات‮.. ليه معرفش،‮ سيارة للعيال،‮ وسيارة للخضار،‮ وسيارة للشغالة،‮ وسيارة لسعادته طيب وباقي السيارات لمين؟‮! ماهي ميغة‮..‬
‮* الولد ابن البصاص البكر طالب في جامعة عين شمس،‮ والخالق الناطق شبه أبوه،‮ ودانه تقول مطرقة،‮ ورادار،‮ كان واقف علي باب الأساتذة بكلية الاداب،‮ وعرف إن عميد الكلية مسافر فرنسا للعمل كمستشار ثقافي لمصر بالسفارة وعرف أن هذه الوظيفة رشح لها أيام الرئيس مبارك وخلال وزارة أحمد أبوالغيط،كان هيسافر قبل الثورة،‮ وتعطل بسبب الشكاوي المقدمة ضده ولما قامت الثورة قالوا‮: بس مش هيطلع لكنهم فوجئوا بأنه برضه طالع ومسافر،‮ وأجريت انتخابات علي العمادة،‮ وهو منتظر‮ يسافر،‮ يقال إن العميد ده مرشح من الأجهزة الأمنية،‮ وأن أقاربه بها هم اللي زقوه،‮ ياباتعة،‮ يا أم البتوع بركاتك‮.‬
‮* البصاص دخل مبني الأمن الوطني،‮ أمن الدولة سابقاً،‮ وهو متخفي في ملابس ضابط أمن دولة برتبه أمن وطني،‮ اتسحب ودخل أحد المكاتب لقي شوية كشوف،‮ بص قرأ اسم العميد احمد مصطفي أمن الدولة سابقاً‮ الأمن الوطني حالياً‮.. قال في سره‮: يانهار‮.. مش ده بتاع‮ »‬السي دي‮« اللي فيها القسيس‮ يمارس مع واحدة،‮ وسرب‮ »‬السي دي‮« لاحدي الجرائد،‮ »‬البصاص‮« قلع ملابس أمن الدولة وطلع علي الوزارة،‮ وعرف هناك أن بتاع‮ »‬السي دي‮« مسنود من بعض الكبار ما شاء الله‮ ياكبار‮..‬
‮* عميد سابق بأمن الدولة،‮ كان مسئولاً‮ عن ملف وزارة البترول والمالية والاقتصاد،‮ قام بترشيح صديقه الصدوق إبراهيم صالح عضو لجنة السياسات وصديق جمال مبارك،‮ لكي‮ يتولي الحسابات بهيئة البترول،‮ صالح‮ يعمل مستشاراً‮ لوزير المالية السابق ويبلغ‮ من العمر‮ »‬64‮« عاماً‮ ومازال بدرجته ووظيفته في المالية‮.. البصاص مشغول جداً‮ بالبحث عن أسباب إرسال العميد لصديقه الصدوق إلي حسابات هيئة البترول وصالح هو الذي وقع علي عقد بيع الغاز لإسرائيل،‮ العميد أو حرف من اسمه أبوعلي‮.. ياعلي‮!!‬
‮* وبيقولوا‮: إهدار المال العام،‮ »‬البصاص‮« تنكر في شخصية ضابط إمداد وتموين،‮ ودخل الإدارة العامة للإمداد والتموين،‮ ووقع في إيده بالصدفة ملف لبس العدسات المكبرة،‮ وقرأ في‮ الأوراق أرقاماً‮ غريبة،‮ قال إيه‮ »‬358‮« سيارة تم تخصيصها لمساعد أول الوزير،‮ ووزير الداخلية طبعاً،‮ تعرفوا عددهم كام؟‮! حوالي‮ »‬17‮« لواء،‮ يعني كل مساعد أول حوالي‮ »‬20‮« سيارة‮.. زغردي‮ ياللي منتش‮ غرمانة‮.‬
‮* وسع الطريق أبوصلاح وصل المينا‮ »‬البصاص‮« سجد لله وحمده لأن وزير الداخلية قام بنقل اللواء صلاح زيادة من شرطة السياحة إلي ميناء الاسكندرية لأن أبوصلاح نظيف جداً،‮ أقصد من نظيف،‮ أنه نظيف شريف وليس من عائلة أحمد نظيف،‮ وسعادة البصاص تعود أن أبوصلاح هينظف المينا،‮ هناك من اللي بالي‮ بالك‮.. قول‮ ياربك‮ يارب‮!!‬
‮* البصاص فوجئ بأن العميد محمود شعراوي مازال في عمله بأمن الدولة،‮ أقصد الأمن الوطني سأل‮: هو ليه مطلعشي في الحركة؟‮!‬
قالوا له‮.. علشان مسنود‮.‬
‮* من مين؟
علشان اللواء محمد شعراوي محافظ البحيرة أخوه البصاص‮ يابخته اللي له ظهر ما‮ يضربش علي إيه‮..‬
‮* البصاص‮ يفي بوعده،‮ ويعلن اليوم عن عنوان مزرعة العميد حسن طنطاوي بأمن الدولة سابقاً‮ الأمن الوطني حالياً،‮ المزرعة آه بسم الله ماشاء الله خمسين فدان وتقع علي طريق مصر الإسماعيلية،‮ وداخل المزرعة توجد فيلا ثلاثة أدوار‮.. الأسبوع القادم البصاص هيكشف لكم المزرعة باسم مين،‮ كما سيكشف لكم عن مفاجأة أخري‮.‬
‮* طبعاً‮ فاكرين اللواء مجدي أبوقمر مدير أمن البحيرة بطل كليب هنضرب الشعب بالجزمة،‮ أحد أعوان البصاص سمعه وهو بيرطم وبيسب البصاص وبيقول‮: اشمعني أنا،‮ هو أنا الوحيد اللي أخد فيلل وشقق ما‮ يروح‮ يشوف التانيين عندهم إيه،‮ ينزل إسكندرية والسويس وشرم الشيخ بس‮ ياعم رسالتك وصلت‮ ياأبوقمر‮..‬
‮* بعض السادة مدراء الأمن تلاحظ‮ »‬إيه‮«‬،‮ تلاحظ عليهم اهتمامهم بتلميع أنفسهم في الجرائد،‮ ابن أخت البصاص كان بمديرية أمن واتصنت علي باب معالي مدير الأمن،‮ وسمعه بيقول لمدير العلاقات والإعلام‮: إيه الأخبار،‮ صورتي نازلة فين؟‮! وقال له‮ ياريت تديهم الصورة دي،‮ علشان المدام مش عجباها الصورة اللي بتنزل وقولهم‮ يا أخي‮ يبقوا‮ يكبروا الصورة شوية ويطلعوا الخبر فوق شوية علشان بس العيال تفرح‮.‬
‮* »‬البصاص‮« يقترح علي اللواء حمدي الديب مدير أمن المنوفية،ينزل لحد كمين سنتريس قبل الكمين بعشرة كيلو هيلاقي زحمة،‮ يصبر شوية ومايقلقش،‮ يمكن عربية عطلانة،‮ جاموسة بتولد،‮ بعد نص ساعة هيقرب شويه،صحيح هتشعر بالملل،‮ ويمكن تنزل من العربية تشوف فيه إيه وهتنزل ومش هتشوف حاجة بعد نص ساعة ثانية هتقرب من الكمين‮.‬
‮* فيه إيه؟
مافيش‮.‬
‮* طيب الزحمة دي ليه‮!‬
فين الجاموسة اللي بتولد؟
مافيش جواميس‮.‬
‮* فين العربية العطلانة؟‮!‬
مافيش‮.‬
‮* طيب إيه الحكاية‮!‬
اسأل الأمناء وعلي فكرة كل‮ يوم كده‮.‬
‮* أبوشادي مدير أمن الدولة بالقاهرة سابقاً‮ ومدير أمن الموانئ حالياً،‮ غضبان جداً‮ من‮ »‬البصاص‮« وطول ما هو قاعد‮ يشتم في البصاص،‮ ويتوعده‮.‬
‮»‬البصاص‮« دخل الإدارة عنده متنكر في شخصية مركبة ووقف علي المكتب،‮ وسمعه بيقول‮: هومش عارف علاقتي كانت إيه بمبارك طيب وحياة‮... مش هسيبه،‮ »‬البصاص‮« خاف وطلع جري علي الحمام عمل‮ »‬ببي‮«‬،‮ وقال‮ يافكيك،‮ وصمم أنه‮ يُخبُص عليه ويقول إنه كان مشارك في قمع المتظاهرين بميدان التحرير وعنده قصر كبير قوي‮.. ابقي خلي مبارك‮ ينفعك‮ يابتاع المراكب‮.‬