أحمد فتحي يودع جماهير الأهلي برسالة مؤثرة

وجه أحمد فتحي رسالة وداع مؤثرة لجماهير النادي الأهلي، بعد انتهاء عقده مع القلعة الحمراء وانضمامه الي فريق بيراميدز بداية من الموسم المقبل.
ويعقد نادي بيراميدز غداً الاثنين مؤتمراً صحفياً للإعلان عن تفاصيل صفقة التعاقد مع فتحي.
وقال فتحي عبر حسابه الشخصي علي موقع التواصل الإجتماعي "انستجرام" :" لحظات يصعب فيها الكلام .. لحظات يصعب فيها التعبير . خاصة وأنت بتخاطب أطراف كلها عزيزة عليك . ولها مكانة خاصة فى قلبك" .
وأضاف: "وكمان عشت معاهم أحلى 12 سنة فى حياتى .. 12 سنة كلها إنتصارات وبطولات وأفراح .. وعايز أقول لو عقود الأحتراف المكتوبه بتنتهى .. عقود الحب والود والأحترام بينى وبين
كل منظومة النادى الأهلى لن تنتهى .. أعذرونى لحظات قاسية ".
"وأى قسوة وانت تغادر حبايبك اللى قضيت معاهم سنين فى النادي الأهلى .. بيتى . وهيفضل بيتى . حتى لو كان القدر كتب لى خطوة جديدة . وهيفضل جمهور الاهلي اللى حبنى وساعدني ووقف جنبى . هيفضل سندى .. لأنه جمهور وفى .. جمهور أصيل .. ربنا يشهد اني لم أقصر لحظه لا فى حق النادى .. ولا حق جمهوره .. وبذلت أقصي ما أملك حتى آخر لحظه ".
وأكمل أحمد فتحي: "وأتمنى أكون قدمت
ولو جزء من اللى يستحقه الأهلى وجمهوره .. فى هذه اللحظه الصعبه على نفسى" .
ووجه فتحي الشكر لادارة الاهلي ورئيس مجلس ادارته قائلاً: "عايز اسجل شكرى للنادي الأهلي وإدارته وعلي رأسها المحترم الكابتن محمود الخطيب .. وكل الشكر للجماهير اللى مهما تكلمت مش هقدر أعطيها حقها .. شكرا لكل المدربين اللى ساعدوني من أول يوم وحتي أخر لحظه .. ".
وإختتم فتحي رسالته: " الشكر لكل زمايلي اللعيبه . اللى أنا لعبت معاهم على مدار كل الأجيال .. شكرا لاخواتي الأطباء ومساعدينهم أخصائيين التأهيل والمدلكين .. شكرا للاداريين والعمال .. شكرا لكل فرد ساعدنى ولو بأى حاجه .. أنا مش عايز حد يزعل منى .. فى الأول والآخر دى خطوات كتبها ربنا سبحانه وتعالى .. وأنا متوكل على الله فى كل خطواتي .. ودايمآ هيفضل الأهلي وجمهوره فى قلبى".