فيديو.. السيسي: مقدرش أتصالح مع اللي عايز يهد بلادي

أكد الرئيس عبدالفتاح السيسي، مصر مستهدفة من أهل الشر، مضيفًا: "لو أنتوا عاوزين ترتاحوا من اللي بيتعمل فيكم كل يوم ده اتصالحوا"، موضحًا أن الصعوبات التي يصدرها الإعلام الخارجي هي محاولة منهم لإسقاط الدولة وتدمير ما تم إنجازه خلال الست سنوات الماضية.
وتساءل السيسي موجهًا حديثه للمصريين قائلًا: "إذا كنتوا عاوزين تتصالحوا قولوا لي.. أنا مقدرش أتصالح مع اللي عايز يهد بلادي ويأذي شعبي وولادي".
وقال السيسي- خلال فعاليات الندوة التثقيفية ال32 للقوات المسلحة، اليوم الأحد: "أقسم بالله اللي اتحقق في الست سنوات اللي فاتت يساوي عمل 20 سنة في كل شيء، ولسة في 50 سنة شغل ونقدر نعمله في 6 سنوات.. ربنا يعينا".
وأضاف، أن الحكومة تبذل مجهودات كبيرة في سبيل النهوض بالدولة، موضحًا: "إحنا مش بنام ولا بنرتاح.. وهنفضل نشتغل ونشتغل لحد ما بلدنا تطلع لقدام".
وصرح إن الإنجازات التي شهدتها مصر خلال الفترة الماضية وإنفاقها 4 ترليونات جنيه لتصحيح مسار الاقتصاد، هي خطوة من 1000
خطوة في سبيل أن تصبح مصر دولة حقيقية.
واستكمل أن مصر تحتاج إلى 20 تريليون جنيه للنهوض بالدولة، موضحًا: "إحنا بنعمل مجهود كبير علشان ننهض بالدولة ويجي الإعلام اللي برة يقول للمصريين بصوا بيعملوا فيكم إيه دول سايبنكم وبيحرموكم وبيعذبوكم ودول فاسدين".
وتابع: "لا والله لا والله.. والله ولله هاحاجي الكل يوم القيامة على اللي إحنا بنعمله لبلدنا".
وأوضح، أن منظومة التعليم في مصر كانت أفضل في الستينات، مضيفًا: "المنظومة كانت أفضل بس مش عاوز أقول لغاية ما أنا جيت علشان شهادتي متكونش مجروحة.. لكن إحنا بنعمل مجهود كبير علشان نعالج".
وذكر أن منظومتي التعليم والصحة تراجعتا، لأن المطلوب ليس موجودًا، متابعًا: "اللي إحنا بنعمله دلوقتي إحنا بنقاتل مش بنعالج".
وأضاف، أن مصر إذا دخلت في أي أزمة من الأزمات التي مرت عليها في 2011 أو 2013، سيكون
المصير أصعب، موضحًا أن الاستقرار جوهر التقدم، موضحًا أن الاستقرار لا يأتي إلا من خلال الشعب المصري.
وأشار إلى أن الغطاء النقدي المصري كان من أكبر الغطاءات في العالم، لافتًا إلى أنه تم استهلاكه خلال الفترة من 1962 إلى 1967، في حرب اليمن.
وتابع: "أنا لما أكون عايز أهد الدولة أحرض شعبها وأحوله إلى أداة لتدمير الدولة.. هي دي القضية اللي تهمني الحفاظ على مصر".
وطالب السيسي الإعلام والمسئولين ببث الوعي بين المواطنين للحفاظ على الدولة، مؤكدًا أنه في كل لقاء مع الوزراء ينوه عن تلك النقطة.
وأشار إلى أن هدفنا الحفاظ على الدولة المصرية وليس الحفاظ على النظام.
وأكد أن هناك نوعاً من التجاوز تم على مستوى جميع قطاعات الدولة خلال 2011، متابعًا: "هو اللي سرق خطوط سكك حديد مصر سرقها أمتى؟ سرقها خلال 2011، وخط اللوحات اتسرق خلال 2011".
وبدأت صباح اليوم الأحد، فعاليات الندوة التثقيفية ال32 للقوات المسلحة، فى ظل الاحتفالات بذكرى انتصارات أكتوبر المجيدة.
وتواصل مصر الاحتفال بالذكرى ال47 لنصر أكتوبر المجيد، تلك الذكرى العظيمة، التي ستظل فخرًا لكل مصرى وعربى بما حققته القوات المسلحة المصرية من استرداد للكرامة العربية والانتصار على العدو الإسرائيلى في معركة ضربت فيها قواتنا المسلحة أروع أمثلة البطولة والفداء.
شاهد الفيديو..