فيديو.. السيسي: استقرار الإقليم مرتبط بأمن واستقرار مصر

وجه الإعلامي نشات الديهي، سؤالًا إلى الرئيس عبد الفتاح السيسي، قائلًا: "انهاردة في نهاية عام وبعد سلسلة من الانجازات على مدار 5 سنوات عايزين نوصل ايه للشعب المصري في النجوع والقرى؟، ونوصل رسالة للإقليم الملتهب نقوله ايه؟".
وأجاب "السيسي" خلال لقائه بالإعلاميين ورؤساء تحرير الصحف المصرية، على هامش افتتاحة لمجمع الإنتاج الحيواني بالفيوم، قائلًا: "الإقليم بالتحديات اللي واجهها استمر لمدة 9 سنوات، واستقرار الإقليم سيأخد وقت شوية.. وأهم عوامل استقرار الإقليم مرتبط بمصر لأن مصر ركيزة
استقرار حقيقة لعودة الأستقرار لباقي المنطقة وهذه الر سالة داخلية وخارجية، وانا بكرر الكلام دا دايمًا لان بقول التشخيص مش بيتغير لأن المرض واحد والتحدي واحد، ولذلك العلاج مش هيتغير".
وتابع: "العلاج بيتشكل في كوننا دولة ومواطنين ومؤسسات مختلفة مستقرة، لأن طول ما الدولة مستقرة هنفضل على المستوى الداخلي نحقق اللى احنا عايزينه وعلى المستوى الإقليمي اللى بنقول عليه انه مضطرب، هنقدر
نستعيد دولة بعد دولة، وبذلك نستطيع أن نعيد استقرار الإقليم بالكامل".
وواصل الرئيس حديثه، قائلًا: "بالنسبة للخارج الأمور تستقر باستقرار مصر، طول ما مؤسسات الدولة مستقرة هيحافظ على استقرار دولتنا وبعد كدا نبدأ بقطاع قطاع ومؤسسة مؤسسة، خلصنا قطاع الكهرباء لأنه كان قطاع حيوي وحساس جدًا بالنسبة الناس ومصالحها.. وبعدين دخلنا على قطاع النقل وهذا القطاع محتاج 600 مليار جنيه علشان نتفرج على قطاع يليق بمكانة مصر".
وتابع رئيس الجمهورية: "لما نيجي نتكلم في قطاع زي الزراعة القطاعات المرتبطة بالجماهير فيها تحدي كبير لأن انت عايز تتعامل مع الجماهير دي بشكل فيه ثقافة ونراعي فيه ظروف وأحوال الناس".