أذاع الإعلامى يوسف الحسينى رسالة الناشط السياسى خالد تليمة إلى الرئيس محمد مرسى، اليوم "الثلاثاء" فى برنامجه "صباح أون" على قناة "أون تى فى". وتقول رسالة تليمة: "السيد الرئيس محمد مرسى مبارك.. تحية طيبة وبعد، إحنا بس بنفكرك يا ريس إن اللى قبلك كان بيعمل كده برضه بالظبط، قمع إضرابات العمال، واقتحام حرم الجامعة بالأمن المركزى، والقبض على الطلبة المعتصمين، وحاجات تانية كتير حضرتك بتعملها بالظبط، طبعا أنا عارف من الأول إن انت وجماعتك متفرقوش عنه وعن وشلته، بس أهو بنفكرك يمكن تلحق نفسك، واهو يمكن ناخد ثواب إننا بنفكرك، وتفضلوا بقبول وافر التحية .. مقدمة لسيادتكم مواطن مصرى (فلول وملحد زعلمانى وكافر وابن ...)، ده تسهيلا على الرجالة بتوع جماعتكم يعنى. خالد تليمة". وعلق الحسينى فى نهاية الرسالة: "يفرق إيه محمد مرسى العياط عن محمد حسنى السيد مبارك، يفرق إيه حزب الحرية والعدالة، عن الحزب الوطنى المنحل، وعلى رأى نجيب محفوظ آفة حارتنا النسيان". شاهد الفيديو: