عكاشة: "اتبرع ولو بجنيه للفراعين"

تداول نشطاء على مواقع التواصل الاجتماعي "فيس بوك" و"تويتر" مقطع فيديو للإعلامي توفيق عكاشة رئيس قناة الفراعين الفضائية، وهو يطالب الشعب المصري بالتبرع لقناته "بجنيه واحد فقط" كل ستة أشهر، مقابل مكالمة القناة وإرسال الرسائل القصيرة إليها بدون مقابل.
وقال عكاشة خلال الفيديو: "كل واحد يتبرع بجنيه واحد بس، والشعب هيشغل القناة، ومش عايز إعلانات من حد، وأنا معايا الشعب وانتم معاكم الاستعمار ونشوف مين إللي هيكسب الشعب ولا الاستعمار".
وتوالت تعليقات الشباب على الفيديو ومنها علاء محمد: "هو الراجل دا مش هيرجع الكوكب بتاعه بقي؟! استعمار إيه يا أهطل يابن الاهطل"، وأضاف هشام سالم: "لأ الاستحمار اللي هيكسب يا خفيف"، بينما سخرت دينا على من الفيديو قائلة: "حسنة قليلة تمنع بلاوي كتيرة وهنيالك يا فاعل الخير والثواب" .
وأضاف أحمد الطويل: "موضوع انه يدخل كلمة الاستعمار في كلامه، دا كدا بيكلم الطبقة إللي بتصدق كلمة الاناركية والطرف التالت والماسونية، ودي طبقة مش قليلة وهيساعدوه، الراجل دا مش عبيط، دا بيعمل نفسه عبيط عشان يجذب الناس ليه، زي فكرة الاراجوز بالظبط".
شاهد الفيديو