مظاهرات بالغربية تحذر المشير من مصير "القذافى"

نظمت القوى والحركات السياسية وشباب الألتراس بمحافظة الغربية اليوم الجمعة وقفات احتجاجية بمدينة المحلة الكبرى، وأخرى بساحة الشهداء بمدينة بطنطا أمام مبنى المحافظة مرددين هتافات منها "ياطنطاوى برا برا عايزين مصر تبقى حرة" "السعودية مش بعيد بتلم الخونة والعبيد" "ياطنطاوى خرب دمر بكرة مصيرك زي معمر".
بالإضافة لهتافات أخرى منها "قلنا عدالة قلنا قانون رموا الثوار فى السجون" "يانجيب حقهم يانموت زيهم" "ثورة ثورة حتى النصر" "ثورة في كل شوارع مصر" "وحياة دمك ياشهيد لأعمل ثورة من جديد" "كلمة فى ودنك ياحربية احنا اللى ضربنا الداخلية" "من طنطا للتحرير عملنا الأسفلت سرير" "هنقولها تانى وتانى انا في الميدان عنوانى" "قتلوا الألتراس الأحرار علشان نزلوا مع الثوار" "قتلوا خالد قتلوا مينا الدور جاي على مين فينا" "اقتل خالد اقتل مينا كل رصاصة بتقوينا" "ياطنطاوى ليه مش سامع صوت الثورة طالع طالع من الكنايس والجوامع" "قالوا علينا بلطجية أيوة احنا بلطجية ضد شلة الحرامية" "الشهيد يريد إعدام المشير" "قول يامحمد قول يايونس بكرة سوريا تحصل تونس".
وحمل المتظاهرون لافتات منها "يوم ماأبطل أشجع هكون ميت أكيد" "أين النخوة أين الشهامة أين الشجاعة ياعرب" "الشعب والشعب إيد واحدة" "يلا ياطنطا ثورى ثورى لاطنطاوى ولا جنزورى" "حسبي الله ونعم الوكيل 12 مليون لعلاج المخلوع وربع مليون للطائرة التى تنقله وأنا لا أملك تكاليف عملية لأولادى يسقط يسقط حكم العسكر".