الخبازين: "بنروح كبش فداء لصاحب المخابز.. ومحدش بيعبرنا عشان غلابة"

عرفت منطقة باب الشعرية كإحدى المناطق العامرة بمقاهى المهن الحرفية، فيجلس كل صاحب مهنة على قهوته ينتظر من خلالها فتح باب رزق يومه الجديد ويقوم "المعلم" المسئول عن تلك الصنايعية بتوزيعهم منذ الصباح الباكر على أماكن كثيرة باحثين عن لقمة عيشهم فى أفران المناطق المجاورة فمنها البعيد والقريب.
وجوه عابثة تنتظر من يسمع لحديثها أمله بأن تصل أصواتهم لمن ينتشلهم من مهانة الحياة، تلك هم عمال من فئة الخبازين والتى لا يفقهون فى المهن الأخرى شىء ولا يدركون سوى مهنة العجن والخبز والجلوس ب"قهوة الفرانيين".
تقدمت محررة الوفد للحديث مع عبد الخضير حسن أحد الخبازين الجالسين على القهوة، فملامحه القاسية خير دليل على معاناته وقلة حيلته فى تربية أبنائه وقلة رزقه.
بدأ عبد الخضير كلامه بوجه عابث لقلة العمل وكسب المال، :"مهنة الفران او "الخباز" أتغيرت كتير عن زمان فى رزقها وسوقها وحالياً بشتغل يوم وعشرة لا"، مبيناً أن ذلك مما دفعه لتسريب أولاده الثلاثة من التعليم وتشغيل أبنائه صبيان بقهوة الفرانين التى يجلس عليها بصورة يومية.
وأسترجع حسن، خبرته بمهنة الخباز والتى تتعدى ال 36 سنة" أنا شغال فران من سنة 84 بس الحال دلوقتى مش عاجب حد وقف الحال ده والمعلم غصب عنه عايز يدفعلنا يومية كويسة بس غلاء الدقيق مبوظ الدنيا".
"انا على باب الله بشتغل باليومية وبتوصل ل 140 جنيها" بهذ الكلمات حاول الخباز بقهوة الفرانين أن يصف حجم معاناته فى البحث عن لقمة العيش طول ساعات عمله والتى تصل تقريباً ل10 ساعات يومياً، وبخصوص عمله بفرن معين نفى ذلك موضحا جلوسه على قهوة الفرانين وأنتظار ارسالة من قبل "المعلم" على افران مختلفة فى مناطق متعددة.
وتابع "انا باجى كل يوم الصبح اقعد على القهوة الفرانيين والمعلم بتاعنا هو اللى بيوزعنا مرة بالمرج وعزبة النخل اماكن كتيرة وشغلى بتحاسب بالشكارة على حسب العدد اللى بخبزه واللى ميشتغلش ميخدش".
أما عن حياته الأسرية ورسوب أولاده من التعليم لضيق الحالة المادية لديه"انا عندى 3 أولاد بس متعلموش عشان مفيش مكسب اللى جاى يدوب على قد اللى رايح فشغلت الولدين صبيان فى القهوة و البنت عايزة جهاز بس ايدى مش طايلة".
وطالب الخباز بقهوة الفرانين، وزارة التموين والصحة بالإهتمام بأمر الفرانيين الكادحين وتوفير رعاية صحية للعاملين بالأفران والغير مؤمن على حياتهم، قائلاً:" أحنا بعد الستين بنطلع معاش زى موظفين الحكومة دى شغلنتنا ومنعرفش غيرها".
وبخصوص مخاطر الشغل اثناء حملات التموين على الأفران، أستطرد الخباز "هيئة التفتيش بتعمل محضر لو الفرن غير مرخص بتقبض علينا وبنروح كبش فده لصاحب الفرن بس ما باليد حيلة وصاحب الفرن بيفضل يصرف عليا لحد ما يطلعنى".
واختتم حديثه قائلا "انا عايز اكل لو مشتغلتش هموت أطالب بمعاش للفرانيين من الدولة احنا لينا حق ومحدش بيعبرنا عشان غلابة"