بالفيديو.. عمرو أديب مهاجمًا مرتضى منصور: "اخلصوا من أم الازرق فانلات وشورتات"

هاجم الإعلامي "عمرو أديب" المستشار مرتضى منصور رئيس نادي الزمالك، والمدير الفني المقال كابتن أحمد حسام ميدو، متهمًا إياهم بأنهم السبب وراء هزيمة الفريق من غريمه النادي الأهلي في مباراة القمة التي جمعت بين الفريقين مساء أمس على إستاد برج العرب.
وقال "أديب" خلال برنامجه "القاهرة اليوم" المذاع على فضائية "اليوم": "حلم العشر سنين القادمة بأن الزمالك سيكون على القمة أصبح كابوسًا، أما النادي الأهلي نجح في حسم 50% من الدوري".
وأضاف: "بطلب من مجلس إدارة نادي الزمالك محدش يطلع يقولي العمل بتاع الميه اللي اترمى على الباب واللي معمول على رجل نملة .. كنا بنلاعب فرقة معندهاش مجلس إدارة أو مدرب حقيقي الاتنين مؤقتين، يعني بنلاعب فرقة تلات أربع كيانها مش موجود".
وتابع: "لازم أحيي المحترم عبدالعزيز عبدالشافي، الراجل بيحب النادي لدرجة قالوله تعالى درب ماتش وامشي، ومع ذلك هو محب للفانلة الحمراء، كل اللاعيبة بتلعب في مراكزها رجلهم تتلف في حرير .. دفاع الزمالك كان عامل حرس شرف لإيفونا قبل الهدف الأول، كان ماشي زي السكينة في الجاتوه، فرقة الزمالك ادمرت، تغيير المشرف الفني بتاعها 3 مرات في شهرين باظ الحلم الأبيض".
واستطرد: "تحية لمجلس إدارة الأهلي المتعين وعبدالعزيز عبدالشافي، أنا لو من مجلس الإدارة أمضي معاه عقد 3 سنين، كفاية قلبه وحبه ونقل للاعيبه، لكن الزمالك هنلعب مش هنلعب هنروح مش هنروح، باعتين واحد يجيب العمل".
وأضاف "عمرو جمال ركبته كانت مكسورة والأهلى مسبوش، مش إحنا اللاعب عندنا يقعد ماتشين ويمشوه واتغلبنا بسببه قدام الإسماعيلي، زيزو بيدرب الأهلي في هدوء ولا بيتكلم ويتجاوز ومفيش دوشة هو ده الأهلي، والله لو مشي الأهلي نفسه مش المدرب والمجلس بس كان هيكسب، لأن الأهلى عنده روح الفانلة الحمراء، بقول للزمالك اخصلوا من أم الأزرق فنلات وشورتات".
الفيديو..