بالفيديو .. مرتضى منصور لأهالي الألتراس: هديكوا بالجزمة القديمة

قال المستشار مرتضى منصور رئيس نادي الزمالك إن الالتراس يريدون إشعال مصر، خصوصًا بعد مرور الذكرى الخامسة لثورة 25 يناير على خير.
وتابع خلال مداخلة هاتفية مع فضائية "العاصمة": "الألتراس عايزين يعملوا مشكلة يوم مباراة القمة، ويحتكوا بالشرطة، سواء التراس الأهلي أو الزمالك، وينضرب عليهم دخان ويحصل تدافع، والعيال تموت، ويبقى مرتضى منصور هو السبب علشان هو اللى مرضيش الماتش يكون في ستاد برج العرب".
وأضاف "الالتراس بيتحاكموا دلوقتي في قضية اقتحام النادي، وانا اتنازلت عن قضية الشروع في قتلي، لاني كنت فاكرهم محترمين، لكن هما مش محترمين، وبقول لأهاليهم، اللي هيجيلي تاني ويبوس الجذمة علشان اتنازل هديله بالقديمة".
واستطرد قائلاً "انا اتهددت بالقتل واتنازلت، لكن شوفوا ولادكوا بيعملوا ايه، القاضي امر بالتحفظ على كل المتهمين بعد تنازلي".
وأضاف "بقول لكل أهالي الالتراس مصير ولادكوا يا سجون يا القبور، لأنهم لو احتكوا بالشرطة هيردوا عليه، الجبناء دول عملوا وقفتهم في الفسطاط خليهم يمكن يطلعلهم المماليك هناك".
الفيديو..